The news is by your side.

Advertisement

وزیر اعلیٰ پنجاب ڈسٹرکٹ جیل کے بزرگ قیدی کے لیے امید کی کرن بن گئے

لاہور: وزیر اعلیٰ پنجاب عثمان بزدار کی ہدایت پر ڈسٹرکٹ جیل ملتان کے قیدی محمد حنیف کا آج کارڈیالوجی انسٹی ٹیوٹ ملتان میں بائی پاس ہوگا، علاج کے اخراجات حکومت پنجاب ادا کرے گی۔

تفصیلات کے مطابق وزیر اعلیٰ پنجاب عثمان بزدار کا دورہ ملتان ڈسٹرکٹ جیل کے بزرگ قیدی کے لیے زندگی کی نوید بن گیا، عثمان بزدار کے ڈسٹرکٹ جیل ملتان کے حالیہ دورے میں قیدی محمد حنیف نے علاج کی درخواست کی تھی۔

محمد حنیف ڈسٹرکٹ جیل میں قید اور دل کے عارضے میں مبتلا ہیں۔

وزیر اعلیٰ کی ہدایت پر محمد حنیف کا آج کارڈیالوجی انسٹی ٹیوٹ ملتان میں بائی پاس ہوگا، عثمان بزدار کی ہدایت پر کمشنر ملتان نے کارڈیالوجی انسٹی ٹیوٹ میں قیدی کی عیادت بھی کی۔

کمشنر ملتان نے محمد حنیف کو وزیر اعلیٰ کی طرف سے علاج کی بہترین سہولتوں کی یقین دہانی کروائی، وزیر اعلیٰ کی ہدایت پر مریض قیدی کے علاج کے اخراجات حکومت پنجاب ادا کرے گی۔

محمد حنیف کا کہنا ہے کہ اللہ تعالیٰ نے وزیر اعلیٰ کو نئی زندگی کا وسیلہ بنا کر بھیجا، علاج کے لیے حکومت کا بے حد مشکور ہوں۔

Comments

یہ بھی پڑھیں