لندن: برطانوی وزیر داخلہ پریتی پٹیل نے اپنے عہدے سے استعفیٰ دے دیا ہے۔
برطانوی میڈیا کے مطابق پریتی پٹیل نے نئی پارٹی قیادت کے انتخاب کے بعد ہوم سکریٹری کے عہدے سے مستعفی ہونے کا فیصلہ کیا، پریتی پٹیل نے بورس جانسن کو خط لکھ کر اپنے استعفے سے آگاہ کر دیا ہے۔
پریتی پٹیل نے مستعفی ہونے کا فیصلہ اس وقت کیا جب لِز ٹرس نے رشی سناک کو شکست دی اور برطانیہ کی وزارت عظمیٰ کا منصب حاصل کر لیا۔
بھارتی نژاد پریتی پٹیل نے لز ٹرس کو ملک کا نیا لیڈر منتخب ہونے پر مبارک باد بھی دی۔ لِز ٹَرس برطانیہ کی تیسری خاتون وزیر اعظم منتخب ہوئی ہیں۔
It has been the honour of my life to serve as Home Secretary for the last three years.
I am proud of our work to back the police, reform our immigration system and protect our country.
My letter to Prime Minister @BorisJohnson 👇🏽 pic.twitter.com/seTx6ikX25
— Priti Patel (@pritipatel) September 5, 2022
ادھر لز ٹرس آج برطانیہ کی وزیر اعظم کی حیثیت سے حلف اٹھائیں گی، پریتی پٹیل نے اپنے خط میں کہا کہ وہ نئی وزیر اعظم کی حمایت کریں گی۔
’لز ٹرس‘ برطانیہ کی نئی وزیراعظم منتخب
لز ٹرس نے پارٹی لیڈر منتخب ہونے کی دوڑ میں اپنی ہی پارٹی کے رشی سوناک کو شکست دی ہے، لِز ٹرس نے 81 ہزار 326 ووٹ حاصل کیے ہیں جب کہ ان کے حریف رشی سوناک نے 60 ہزار 399 ووٹ حاصل کیے۔
بورس جانسن نے 7 جولائی کو اسکینڈلز کی وجہ سے وزارت عظمیٰ سے مستعفی ہونے کا اعلان کیا تھا۔
