لاہور : ڈکیتی مزاحمت پر نجی کمپنی کے منیجر کو قتل کردیا گیا اور ملزمان مقتول ندیم سے نو لاکھ روپے چھین کرفرار ہوگئے۔
تفصیلات کے مطابق لاہور کے علاقے رائیونڈ میں ڈکیتی مزاحمت پر نجی کمپنی کے منیجر قتل کا واقعہ سامنے آیا، پولیس نے متعلقہ تھانے میں واقعے کا مقدمہ درج کرلیا ہے۔
مقدمے کے متن میں کہا گیا کہ مقتول ندیم 9لاکھ روپےسیل کی رقم لےکرجارہاتھا کہ موٹرسائیکل سوار 3 ڈاکووں نے منیجر ندیم سے9 لاکھ چھینے اور مزاحمت پر گولی مار دی۔
- Advertisement -
متن میں کہنا تھا کہ ڈاکوؤں کی اپنی فائرنگ سے ان کا ایک ساتھی انتظار بھی زخمی ہوا، ڈاکوؤں نے زخمی ساتھی کو اٹھانے کی کوشش کی مگر وہ دم توڑ گیا اور دونوں ڈاکو اپنے ساتھی کو چھوڑ کر فرار ہوگئے۔
مقتول ندیم بہاولنگر کا رہائشی تھا اور کمپنی کی رقم کیلئے لاہور آیا تاہم پولیس نے مقتول منیجر اور ڈاکو کی لاش تحویل میں لے لی ہے۔
