The news is by your side.

Advertisement

نجی اسکولز مالکان کا فیسوں میں 20فیصد رعایت دینے سے انکار

کراچی: نجی اسکولوں کے مالکان نے فیسوں میں 20فیصد رعایت دینے سےانکار کردیا ، صوبائی حکومتوں نے فیسوں میں 20 فیصد کی رعایت کا اعلان کیا تھا۔

تفصیلات کے مطابق سندھ میں نجی اسکولزمالکان نے فیسوں میں 20فیصد رعایت دینے سےانکار کردیا ، والدین کا کہنا ہے کہ موجودہ صورتحال میں اسکولز کی فیس اداکرنےکی پوزیشن نہیں، فیسوں میں خصوصی رعایت پرنجی اسکولز نے شرائط لگا دیں۔

والدین نے مزید کہا کہ مستحق ہونے یا نہ ہونے کی درخواست اور ثبوت مانگے جارہےہیں ، محکمہ تعلیم اور پرائیویٹ اسکول مینجمنٹ ایکشن لے۔

والدین نے وزیر تعلیم سندھ سے مطالبہ کیا کہ گمراہ کرنیوالے اسکولوں کیخلاف ایکشن لیں اور شرائط لگانے والے نجی اسکولوں کے خلاف کارروائی کی جائے۔

دوسری جانب پنجاب میں بھی نجی اسکول مالکان نے حکومت کی جانب سےفیسوں میں کمی کا فیصلہ ماننےسےانکار کرتے ہوئے اپریل اور مئی کی فیس میں 20 فیصد کمی کافیصلے واپس لینے کا مطالبہ کردیا ہے۔

آل پاکستان پرائیویٹ ا سکولز کا کہنا ہے کہ پنجاب اورسندھ حکومت کےفیصلےآئین و قانون سے متصادم ہیں، ہم فیس سےمتعلق سپریم کورٹ کےفیصلےکےپابندہیں، ہم غیر قانونی فیصلے کو عدالت میں چیلنج کریں گے۔

خیال رہے وزیراعلیٰ سندھ مراد علی شاہ اور وزیراعلیٰ پنجاب عثمان بزدار نے نجی اسکولوں کو چھٹیوں کے دوران فیسوں میں 20 فیصد کمی کی ہدایت کی تھی۔

Comments

یہ بھی پڑھیں