اسلام آباد : نجکاری کمیشن نے 10سال بعد او جی ڈی سی ایل کے 32 کروڑ شیئرز پیٹرولیم ڈویژن کو منتقل کرنے کا فیصلہ کرلیا۔
تفصیلات کے مطابق کابینہ کمیٹی نجکاری کا اجلاس 2 اگست کو طلب کرلیا گیا، نجکاری کمیشن نے 10 سال بعد او جی ڈی سی ایل کے 32 کروڑ شیئرز سرنڈر کرنے کا فیصلہ کیا۔
وفاقی کابینہ کی ہدایت پر پیٹرولیم ڈویژن کو آئل اینڈ گیس ڈویلپمنٹ کمپنی لمیٹڈ کے شیئرز منتقل کرنے کا فیصلہ کیا گیا ہے۔
کمپنی شیئرز دوست ملک کوفروخت کرنےکیلئےنجکاری کمیشن کومنتقل ہوئے تھے ، ساورن ویلتھ فنڈ فعال نہ ہونے کے باعث شیئرز پیٹرولیم ڈویژن کو منتقل کئے جارہے ہیں۔
آئی ایم ایف کے اعتراض کےباعث ساورن ویلتھ فنڈز کا دائرہ اوراختیارات تبدیل کیاجارہاہے ، کابینہ کمیٹی رواں مال سال کے نجکاری پروگرام کی بھی منظوری دے گی۔
نجکاری کمیشن کے لئے 8ارب روپے کے بجٹ کی منظوری دیے جانے کا امکان ہے۔
