پریانکا چوپڑا بھاری معاوضہ لینے والی ٹی وی اداکاراؤں میں شامل -
The news is by your side.

Advertisement

پریانکا چوپڑا بھاری معاوضہ لینے والی ٹی وی اداکاراؤں میں شامل

لاس اینجلس: بالی ووڈ اداکارہ پریانکا چوپڑا رواں سال دنیا میں سب سے زیادہ معاوضہ لینے والی ٹی وی اداکاراؤں کی فہرست میں ٹاپ ٹین میں شامل ہوگئی ہیں۔

تفصیلات کے مطابق امریکی جریدے فوربز نے رواں سال دنیا میں سب سے زیادہ معاوضہ لینے والی ٹی وی اداکاراؤں کی فہرست جاری کی ہے جس کے مطابق کولمبین اداکارہ صوفیہ ورگارہ 43 ملین ڈالر کے ساتھ سرفہرست ہیں جبکہ اداکارہ کالے کواکو 24 ملین ڈالر کے ساتھ دوسرے اور مائنڈے کالنگ 15 ملین ڈالر کے ساتھ تیسرے نمبر پر ہیں۔

دنیا میں سب سے زیادہ معاوضہ لینے والی ٹی وی اداکاراؤں کی فہرست میں بالی ووڈ اداکارہ پریانکا چوپڑا بھی جگہ بنانے میں کامیاب ہوگئیں ہیں اور امریکی سیر یل ’’کوانٹیکو‘‘ کے لیے سب سے زیادہ معاوضہ لینے پر ٹاپ ٹین میں شامل ہیں جبکہ اداکارہ 11 ملین ڈالر کے ساتھ فہرست میں آٹھویں پوزیشن پر براجمان ہیں۔

یاد رہے کہ امریکی جریدے فوربز کی رواں سال سب سے زیادہ معاوضہ لینے والی فلمی اداکاراؤں کی فہرست میں بھارتی اداکارہ دپیکا پڈوکون جگا بنانے میں کامیاب ہوگئی تھیں۔

واضح رہے کہ گزشتہ پانچ سال سے صوفیہ ورگارا اس فہرست میں پہلے نمبر پر ہیں، اس سال صوفیہ ورگارہ نے 4 کروڑ 30 لاکھ ڈالر کمائے۔

Comments

comments

یہ بھی پڑھیں