بھارتی فلم انڈسٹری کی معروف اداکارہ پریانکا چوپڑا کی اپنی بیٹی ”مالتی میری“ کے ہمراہ لاس اینجلس میں چہل قدمی کرتے ہوئے خوبصورت تصاویر وائرل ہوگئیں۔
سوشل میڈیا پلیٹ فارم انسٹا گرام پر وائرل ہونے والی تصاویر میں دیکھا جاسکتا ہے کہ پریانکا چوپڑا اپنی بیٹی ”مالتی میری“ کو گود میں اُٹھائے خوشگوار موڈ میں چہل قدمی کررہی ہیں۔
بھارتی اداکارہ کے مداحوں نے ان کی خوبصورت تصاویر سامنے آنے کے بعد اپنے رد عمل کا اظہار کیا ہے، تصاویر میں دیکھا جاسکتا ہے کہ پریانکا کے ایک ہاتھ میں پانی کا گلاس ہے، جبکہ دوسری ہاتھ میں انہوں نے اپنی بیٹی کو اُٹھایا ہوا ہے۔
اس موقع پر ان کے شوہر نک جونس پریانکا کے ہمراہ موجود نہیں تھے، تاہم بیٹی کے ہمراہ تصاویر سامنے آنے پر مداحوں کی جانب سے کمنٹس سیکشن میں ان کی خوب تعریفیں کی گئیں۔
ایک مداح نے تبصرہ کرتے ہوئے لکھا کہ (مالتی میری) اپنے ڈیڈی (نِک جونس) جیسی لگتی ہے؛ یہ بہت خوبصورت ہے۔ ایک اور مداح کا کہنا تھا کہ اتنی پیاری! OMGوہ سب سے پیاری ہے!۔
واضح رہے کہ بھارتی اداکارہ پریانکا چوپڑا نے 2018 میں امریکی گلوکار نک جونس سے شادی کی تھی جس کے 4 سال بعد گزشتہ برس ان کے ہاں سروگیسی کے ذریعے بیٹی کی پیدائش ہوئی۔
