بالی ووڈ کی متنازع اداکارہ کنگنا رناوت نے انکشاف کیا ہے کہ پریانکا چوپڑا کو بھارت چھوڑنے پر کس نے مجبور کیا؟
بھارتی میڈیا رپورٹس کے مطابق اداکارہ پریانکا چوپڑا کے بالی ووڈ چھوڑنے کے انکشافات کے بعد کنگنا رناوت نے بھی ان کے حق میں بیان دیا ہے اور کرن جوہر کو پریانکا کے فلم انڈسٹری سے آؤٹ ہونے کی وجہ قرار دیا۔
کنگنا رناوت نے ٹوئٹر پر لکھا کہ ’پریانکا چوپڑا کو بالی ووڈ چھوڑنا پڑا کیونکہ لوگ اس کے خلاف متحد ہوگئے تھے اسے زدوکوب کیا گیا اور فلم انڈسٹری سے ہی نکال دیا گیاا جس کے باعث وہ بھارت چھوڑنے پر مجبور ہوئی۔
اداکارہ نے یہ بھی بتایا کہ ’ہر کوئی جانتا ہے کہ پریانکا پر کرن جوہر نے پابندی لگوائی تھی۔‘
This obnoxious, jealous, mean and toxic person should be held accountable for ruining the culture and environment of film industry which was never hostile to outsiders in the days of AB or SRK.His gang and mafia PR should be raided and held accountable for harassing outsiders.
— Kangana Ranaut (@KanganaTeam) March 28, 2023
کنگنا رناوت نے لکھا کہ شاہ رخ سے دوستی کی وجہ سے پریانکا چوپڑا اور کرن جوہر میں ہمیشہ جھگڑا رہا اور فلم مافیا ہمیشہ کمزور لوگوں کی تلاش میں رہتی ہے جو انہیں پریانکا چوپڑا میں دکھائی دیا اور اداکارہ کو ہراساں کرکے اس مقام تک لے آئے وہ بھات چھوڑنے پر مجبور ہوگئیں۔
کنگنا نے لکھا کہ اس حاسد شخص کرن جوہر کا فلم انڈسٹری کی ثقافت اور ماحول کو خراب کرنے پر محاسبہ ہونا چاہیے۔
واضح رہے کہ پریانکا چوپڑا اور کنگنا رناوت نے 2008 میں فلم ’فیشن‘ میں اداکاری کے جوہر دکھائے تھے۔