بالی ووڈ کی معروف اداکارہ پریانکا چوپڑا اور نک جونس کے ہاں سروگیسی کے ذریعے بچے کی پیدائش ہوئی ہے۔
بھارتی اداکارہ پریانکا چوپڑا اور ان کے شوہر نک جونس نے انسٹاگرام پر بیٹی کی پیدائش کی اطلاع دی، انہوں نے بچے کی پیدائش پر خوشی کا اظہار کیا تاہم یہ نہیں بتایا گیا کہ ننھا مہمان لڑکا ہے یا لڑکی۔
امریکی میگزین کی رپورٹ میں دعویٰ کیا جارہا ہے کہ پریانکا اور نک کے گھر بیٹی کی پیدائش ہوئی ہے تاہم اس حوالے سے اداکارہ کی جانب سے تصدیق نہیں کی گئی۔
واضح رہے کہ پریانکا اور نک کے اعلان کے بعد سوشل میڈیا صارفین کی جانب سے دونوں کو مبارک باد دی جارہی ہے۔
اداکارہ کی پوسٹ پر کئی بالی ووڈ سپر اسٹارز نے کمنٹس کے اور انہیں مبارب باد دی، کمنٹس کرنے والی اداکاراؤں میں ہما قریشی، نیہا دھوپیا، بھومی پاڈنیکر، کترینہ کیف ودیگر شامل ہیں۔
یاد رہے کہ پریانکا وہ پہلی اداکارہ نہیں ہیں جن کے ہاں سروگیسی کے ذریعے بچے کی پیدائش ہوئی ہو۔
ان سے قبل اداکارہ شلپا شیٹھی کے ہاں بیٹی اور شاہ رخ خان کے چھوٹے بیٹے ابرام کی پیدائش بھی سروگیسی کے ذریعے ہوئی تھی، پریتی زنٹا، پروڈیوسر ایکتا کپور، کرن جوہر اور عامر خان کے بچوں کے پیدائش سروگیسی کے ذریعے ہوئی تھی۔
