بالی وڈ کی مقبول اداکارہ اور سابق مس ورلڈ پریانکا چوپڑا نے اپنی بیٹی مالتی میری کی چہرے کی پہلی تصویر شئیر کی ہے۔
بالی وڈ کی اداکارہ پریانکا یوں تو بیٹی کے ہمراہ اب تک متعدد تصاویر انسٹاگرام اکاؤنٹ پر پوسٹ کرچکی ہیں لیکن ان تصاویر میں وہ اپنی بیٹی مالتی کا چہرہ نہیں دیکھاتی، اداکارہ کبھی بچی کے چہرے پر ایموجی لگادیتی ہیں تو کبھی بیٹی کے سر کی تصویر پوسٹ کرتی ہیں۔
تاہم اب پریانکا چوپڑا نے فوٹو اینڈ شیئرنگ ایپ انسٹاگرام پر اسٹوری پوسٹ کی جس میں ان کی بیٹی مالتی سو رہی ہے اور اس کی آنکھوں پر ٹوپا ہے البتہ چہرہ دیکھا جاسکتا ہے۔
اس سے قبل پریانکا چوپڑا نے انسٹاگرام پرایک اور تصویر شئیر کی تھی جس میں دیکھا جا سکتا ہےکہ ان کی بیٹی آرام کر رہی ہیں۔
واضح رہے کہ پریانکا چوپڑا اور ہالی وڈ اداکار و گلوکار نک جونس کے ہاں رواں برس کے آغاز جنوری میں سروگیسی کے ذریعے بیٹی کی پیدائش ہوئی جس کا نام انہوں نے مالتی میری چوپڑا جونس رکھا ہے۔