فلسطین کے حامیوں پر امریکی شہر لاس اینجلس کی یونیورسٹی میں اسرائیل کے حامیوں نے حملہ کردیا، جس کے نتیجے میں متعدد فلسطینی حامی طلباء زخمی ہوگئے۔
غیر ملکی خبر رساں ادارے کی رپورٹ کے مطابق اسرائیلی حامیوں کے حملے میں غزہ جنگ بندی کے حامی متعدد طلباء بری طرح زخمی ہوگئے، دو گھنٹے کی حملہ آور کارروائی کے دوران پولیس کا کردار خاموش تماشائی کا رہا۔
پولیس کی جانب سے کولمبیا یونیورسٹی میں احتجاجی کیمپوں کو خالی کرالیا گیا، کولمبیا یونیورسٹی، سٹی کالج آف نیویارک، فلوریڈا یونیورسٹی اور نیواورلینز کی یونیورسٹی سے 300 سے زائد مظاہرین کو حراست میں لے لیا گیا۔
امریکی میڈیا کا اس حوالے سے کہنا ہے کہ 18 اپریل سے جاری احتجاج میں اب تک 13 سو سے زائد مظاہرین کو گرفتار کرلیا گیا ہے۔
سفید فام امریکی نے گھر میں داخل ہونے والے سیاہ فام بچے کو گولی ماردی
مسلم، عیسائی اور یہودی تنظیموں کی جانب سے آسٹریلیا کی کرٹن یونیورسٹی میں بھی مشترکہ احتجاجی کیمپ لگادیئے ہیں۔
