اسلام آباد : وزیراعلیٰ خیبرپختونخواعلی امین گنڈاپور کواشتہاری قراردینے کی کارروائی شروع کردی گئی، وہ طلبی کے باوجود علی امین پیش نہیں ہوئے۔
تفصیلات کے مابق انسداد دہشتگردی عدالت میں پی ٹی آئی رہنماوں کیخلاف تھانہ آئی نائن میں درج مقدمے کی سماعت ہوئی، کیس کی سماعت انسداد دہشت گردی عدالت کے جج طاہر عباس سپرا نے کی۔
عدالت نے وزیراعلیٰ خیبرپختونخوا علی امین گنڈاپور کواشتہاری قراردینے کی کارروائی شروع کردی اور کہا طلبی کے باوجود علی امین پیش نہیں ہورہے تھے۔
اے ٹی سی اسلام آباد نے تھانہ آئی نائن میں درج مقدمے میں عدم حاضری پر فیصل جاوید ،راجہ خرم اورواثق قیوم کے مچلکے منسوخ کردیئے اور حاضری سے استثنیٰ کی درخواست مسترد کردی، ملزمان کے خلاف تھانہ آئی نائن میں مقدمہ درج ہے۔
یاد رہے دو روز قبل انسداد دہشت گردی عدالت لاہور نے وزیر اعلیٰ خیبرپختونخوا کے ناقابل ضمانت وارنٹ جاری کئے تھے۔
عدالت نے تھانہ مناواں کے مقدمے میں ان کے وارنٹ جاری کیے تھے ، کاہنہ جلسے کے لیے آتے ہوئے گاڑیوں کے شیشے توڑنے پر پولیس نے ان کے خلاف مقدمہ درج کیا تھا۔
