لاہور: پروفیسر اشرف ضیا کو سی پی ایس پی انیستھیزیا کا چیئرمین منتخب کرلیا گیا۔
اے آر وائی نیوز کے مطابق جناح اسپتال لاہور کے ہیڈ آف انیستھیزیا پروفیسر اشرف ضیا کو سی پی ایس پی انیستھیزیا کا چیئرمین منتخب کیا گیا ہے۔
پروفیسر اشرف ضیا نے کہا کہ وہ انیستھیزیا ڈسپلن کواعلیٰ مقام پر لے جانے کے لیے کوئی کسر نہیں چھوڑیں گے۔
- Advertisement -
انہوں نے کہا کہ انیستھیزیا کے ڈاکٹرز کی شدید کمی ہے سرجری کے دوران سب سے اہم کام انیستھیزیا کا ہوتا ہے اور اس دوران غلط یا زیادہ بیہوشی دینے سے مریضوں کی اموات بھی ہوسکتی ہیں۔
پروفیسر اشرف ضیا نے کہا کہ اسپتالوں میں انیستھیزیا کے ڈاکٹرز کی بھرتی کے لیے اقدامات شروع کردیے گئے ہیں۔
