بھارتی عوام فسادات کے لیے تیار ہو جائیں، پروفیسراشوک
The news is by your side.

Advertisement

بھارتی عوام فسادات کے لیے تیار ہو جائیں، پروفیسراشوک

نئی دہلی : بھارت کے معروف تجزیہ کار  اشوک  سوائن نے ریاستی انتخابات میں بی جے پی کو شکست کے بعد بھارتی عوام کےلیے خطرے کی گھنٹی بجا دی اور کہا بی جے پی سے ہوشیار رہیں اور فسادات کے لیے تیار ہوجائیں۔

تفصیلات کے مطابق ریاستی انتخابات میں بی جے پی کو شکست کے بعد بھارت میں فسادات کا خدشہ بڑھ گیا، بھارت کے معروف تجزیہ کار پروفیسر اشوک نے کہا مودی جی آئندہ چند ماہ میں بہت ہنسیں گے اور بہت روئیں گے، نریندر مودی کا آئندہ پانچ ماہ میں ہنسنا اور رونا عوام کے سامنے ہوگا۔

مودی جی آئندہ چند ماہ میں بہت ہنسیں گے اور بہت روئیں گے

پروفیسر اشوک سوائن نے خبردار کیا کہ بھارتی عوام بی جے پی سے ہوشیار رہیں اور بھارتی عوام فسادات کے لیے تیار ہو جائیں، اگلے سال انتخابات سے پہلے پاکستان سے سرحدی کشیدگی بڑھائی جائے گی۔

خیال رہے اشوک سوائن پیس اینڈ کنفلکٹس ریسرچ کے پروفیسر ہیں۔

مزید پڑھیں : بھارت کی 5ریاستوں میں انتخابات، مودی سرکار کیلئے خطرے کی گھنٹی بج گئی

یاد رہے بھارت کی پانچ ریاستوں مدھیہ پردیش، راجستھان، چھتیس گڑھ، تلنگانہ اور میزورم میں مودی کی جماعت بھارتیہ جنتا پارٹی کو بدترین شکست کا سامنا کرنا پڑا۔

خیال رہے بی جے پی گذشتہ 15 برس سے مدھیہ پردیش اور چھتیس گڑھ میں اقتدار میں ہے جبکہ راجستھان میں وہ پانچ برس پہلے اقتدار میں آئی تھی، وہاں گذشتہ 25 برس سے کوئی بھی جماعت مسلسل دو بار جیت نہیں حاصل کر سکی ہے۔

واضح رہے کہ وزیراعظم نریندر مودی کی حکومت کی مدت پوری ہونے والی ہے، ریاستوں کے انتخابی نتائج پارلیمانی انتخابات میں اثرانداز ہوں سکتے ہیں ، راہول گاندھی کی نوجوان قیادت میں کانگریس ایک مرتبہ پھر بھارت پر راج کر سکتی ہے۔

Comments

comments

یہ بھی پڑھیں