اپوزیشن کی دو بڑی جماعتوں مسلم لیگ (ن ) اور پیپلزپارٹی کے درمیان بیک ڈور رابطوں میں بڑی پیشرفت سامنے آئی ہے۔
نمائندہ اے آر وائی نیوز نے اپنے ذرائع کے حوالے سے بتایا ہے کہ ن لیگ قائد نوازشریف نے اپنی جماعت کو انِ ہاؤس تبدیلی کیلئے گرین سگنل دے دیا ہے۔
اس حوالے سے ن لیگ کے ایک سے زائد اہم رہنماؤں نے اےآروائی نیوز کو تصدیق کرتے ہوئے کہا ہے کہ ہم نے کبھی نہیں کہا عمران خان کو غیرآئینی طریقے سے ہٹایا جائے ہم آئینی طریقہ ہی اپنانےکےحامی ہیں جوان ہاؤس چینج ہی بنتاہے۔
لیگی رہنماؤں کا مؤقف ہے کہ پی پی، ن لیگ ایک ہوں تو انِ ہاؤس تبدیلی میں مشکل نہیں ہو گی، دونوں میں اس وقت نئی حکومت کی مدت پر بات چیت جاری ہے امیدہے آئندہ انتخابات کے معاملے پر بھی اتفاق رائے جلد ہو گا۔
واضح رہے کہ دونوں جماعتوں کے درمیان پسِ پردہ ابطوں کا سلسلے جاری ہے جس میں تنظیمی قیادت اہم سیاسی امور پر اتفاقِ رائے پیدا کرنے کی کوشش کر رہی ہے۔
