The news is by your side.

Advertisement

گرین ملازمتیں : پاکستانی نوجوان روزانہ 800 سے ایک ہزار روپے تک کما سکیں گے

اسلام آباد : وزارت موسمیاتی تبدیلی ملک بھر میں ایک لاکھ گرین ملازمتیں فراہم کرے گی، جس کے تحت ملک بھر میں نوجوان روزانہ 800 سے ایک ہزار روپے تک کما سکے گا۔

تفصیلات کے مطابق پاکستان میں ایک لاکھ گرین ملازمتوں کے پلان میں بڑی پیش رفت سامنے آئی، عالمی بینک پاکستان میں گرین جابز کے لئے مالی اعانت کو تیار ہوگیا ، وزارت موسمیاتی تبدیلی ملک میں ایک لاکھ گرین ملازمتیں فراہم کرے گی۔

اس سلسلے میں وزیر اعظم کے معاون خصوصی ملک امین اسلم سے ورلڈ بینک کے حکام کی ملاقات ہوئی ، ملاقات کرنے والوں میں ورلڈ بینک کے کنٹری ڈائریکٹر بھی شامل تھے۔

ملاقات میں گرین جابز کے وزیراعظم پاکستان کے پلان پر تفصیلی مشاورت کی گئی اور عالمی بینک نے120 ملین ڈالر کی امداد فراہم کرنے کی یقین دہانی کرادی۔

ملک بھرمیں نوجوان اپنے اپنےعلاقوں میں درخت لگا کر آمدن کمائیں گے ، گرین ملازمت کرنے والا ہرنوجوان روزانہ 800 سے ایک ہزار روپے تک کما سکے گا۔

اس موقع پر وزیر اعظم کے معاون خصوصی ملک امین اسلم نے کہا وزیر اعظم نےکوروناوباکےدوران گرین جابزکااعلان کیاتھا، حکومت نےوعدہ پورا کردیا ، عالمی بینک امدادفراہم کرے گا۔

منصوبےکےتحت ملک میں کروڑوں نئےدرخت لگائےجائیں گے، ہر نوجوان ماہانہ 20 سے تیس ہزار روپےکماسکےگا، 5 سے 6 ماہ کے اندر نوکریاں دینے کا عمل مکمل ہو جائے گا۔

Comments

یہ بھی پڑھیں