اسلام آباد : ممنوعہ فنڈنگ کیس میں چیئرمین پی ٹی آئی عمران خان کی ضمانت کا فیصلہ اسلام آباد ہائی کورٹ میں چیلنج کردیا گیا۔
تفصیلات کے مطابق ایف آئی اے نے فارن ایکسچینج ایکٹ کے تحت درج مقدمے میں سابق وزیراعظم عمران خان کیخلاف ضمانت منسوخی کے لئے اسلام آباد ہائیکورٹ میں درخواست دائر کردی۔
ایف آئی اے نے اسپیشل پراسیکیوٹررضوان عباسی کے ذریعے بینکنگ کورٹ کے 28 فروری کے فیصلے کو چیلنج کیا ہے۔
ایف آئی اے کی عمران خان کی ضمانت منسوخی کی اپیل آج ہی سماعت کے لیے مقرر کردی گئی۔
درخواست میں کہا گیا ہے کہ بینکنگ کورٹ کا فیصلہ خلاف قانون ہے، بنکنگ کورٹ کا فیصلہ کالعدم قرار دے کر عمران خان کی ضمانت منسوخ کی جائے۔
جسٹس محسن اختر کیانی اور جسٹس طارق محمود جہانگیری آج اپیل پر سماعت کریں گے۔
خیال رہے 28 فروری کو بینکنگ کورٹ نے سابق وزیراعظم عمران خان کی ممنوعہ فنڈنگ کیس میں ضمانت کنفرم کی تھی۔
