پشاور : ایف آئی اے نے ممنوعہ فنڈنگ کیس میں سابق اسپیکر قومی اسمبلی اسد قیصر کو طلب کرلیا۔
تفصیلات کے مطابق ممنوعہ فنڈنگ کیس کی انکوائری جاری ہے ، ایف آئی اے نے سابق اسپیکر قومی اسمبلی اسد قیصر کو طلب کرلیا۔
ایف آئی اے پشاورانکوائری افسر کی جانب سے اسد قیصر کو 11 اگست کو خیبر پختوانخوا آفس میں پیش ہونے کی ہدایت کی ہے۔
سابق اسپیکر قومی اسمبلی اسد قیصر کا کہنا ہے کہ ایف آئی اے کی جانب سے تاحال کوئی نوٹس موصول نہیں ہوا، ایف آئی اے نے جہاں طلب کیا حاضر ہوجاؤں گا۔
اسد قیصر نے کہا کہ تمام امور قانونی طور پر نمٹائے، کسی پریشانی کا سامنا نہیں، تنظیمی اسٹرکچر کیلئے آنیوالے فنڈ سے دفتر کا کرایہ اور ملازمین کی تنخواہ اداکرتے تھے، دفتر میں 3ملازم تھے، جن کی تنخواہیں چیک کے ذریعے ادا کرتے تھے۔
سابق اسپیکر قومی اسمبلی کا مزید کہنا تھا کہ ایف آئی اے نے جب طلب کیا ضرور جاؤں گا۔
