The news is by your side.

’ٹرانسجینڈر بل پر میرے خلاف پروپیگنڈا ہو رہا ہے‘

جماعت اسلامی کے سینیٹر مشتاق احمد خان نے کہا ہے کہ جب سےخواجہ سرا ترمیمی بل آیا میرے خلاف پروپیگنڈا ہو رہا ہے۔

سینیٹ میں اظہارخیال کرتے ہوئے سینیٹر مشتاق احمد خان نے کہا کہ حکومت نےبھی میری ترامیم کی حمایت کی اگر حکومت چاہتی تو آرڈیننس بھی ہو سکتی تھی۔

ان کا کہنا تھا کہ پنجاب میں آٹا 1295 جبکہ میرے صوبےمیں 2200 ہے پنجاب نے کےپی کو آٹےکی ترسیل پر پابندی عائد کر دی ہے۔

ٹرانسجینڈر ترمیمی بل: ’حکومت اسلام کے منافی کوئی کام نہیں کریگی‘

ایوان میں اظہارخیال کرتے ہوئے سینیٹر دلاور خان نے کہا کہ سینیٹر مشتاق احمد کےخلاف پروپیگنڈہ کا معاملہ داخلہ امور کمیٹی میں بھیجا جائے۔

سینیٹردلاورخان نے کہا کہ ملک میں کسی بھی زرعی چیز پر ٹیکس نہیں لگا، تمباکو خیبرپختونخوا کی فصل ہے مگر اس پر 6 ٹیکسز لگا دئیے تمباکو روکنےکےلئےجگہ جگہ ناکہ بندی کردی گئی تمباکو پر ٹیکسز سے 20 لاکھ لوگ بےروزگار ہو جائیں گے۔

علاوہ ازیں خواجہ سراؤں کے تحفظ کے حوالے سے ترمیمی بل 2022 سینیٹ میں پیش کر دیا گیا۔ بل پی ٹی آئی کی سینیٹر فوزیہ ارشد نے پیش کیا۔ چیئرمین سینیٹ نے مذکورہ بل متعلقہ قائمہ کمیٹی کے سپرد کر دیا۔

Comments

یہ بھی پڑھیں