لاہور : ستر سالہ ماں اور پینتالیس سالہ بیٹے کو چھری کے وار سے قتل کردیا گیا, قاتل کوئی اور نہیں بیٹا نکلا، ملزم نے ملازموں کے ساتھ مل کر دادی اور اور باپ کو قتل کیا۔
تفصیلات کے مطابق لاہور کے علاقے قائد اعظم انڈسٹریل ایریا میں دہرے قتل کا معمہ حل ہوگیا، بیٹا ہی باپ اور دادی کا قاتل نکلا، ایس پی صدر انویسٹی گیشن کے مطابق ابتدائی تفتیش کے بعد مقتول عمر فاروق کا بیٹا نہل، ملازمہ نور اوراس کے شوہر جواد کو گرفتار کیا گیا ہے۔
ملزمان نے قتل کا اعتراف کرلیا، پولیس آلہ قتل بھی برآمد کرلیا، ملزم نے جائیداد کی لالچ میں والد اور دادی کو قتل کیا۔ دوسری واردات میں لاہور ہی کے ایک نجی ہوٹل میں خاتون کو پراسرار انداز میں قتل کردیا گیا۔
مقتولہ کی لاش کے ساتھ تین سال کی بیٹی بھی ملی، مذکورہ خاتون ساہیوال کمشنر آفس کے ملازم کے ساتھ گزشتہ روز لاہور آئی تھی۔ پولیس نے خاتون کی لاش کو تحویل میں لے کر پوسٹ مارٹم کیلیے اسپتال منتقل کیا۔
0
20
