لاہور: پاکستان کرکٹ بورڈ (پی سی بی) نے فرنچائز کے ساتھ مل کر پی ایس ایل 9 کے شیڈول کو حتمی شکل دے دی۔

اے آر وائی نیوز کے مطابق پی ایس ایل کا نواں ایڈٰیشن 17 فروری سے 17 مارچ تک کھیلا جائے گا، ٹورنامنٹ کی افتتاحی تقریب قذافی اسٹیڈیم لاہور میں ہوگی۔

پی ایس ایل 9 کی اختتامی تقریب نیشنل اسٹیڈیم کراچی میں ہوگی۔

پی ایس ایل 9 میں مجموعی طور پر 34 میچز کھیلے جائیں گے، کراچی کا نیشنل اسٹیڈیم سب سے زیادہ 11 میچز کی میزبانی کرے گا۔

لاہور اور راولپنڈی میں 9، 9 اور ملتان میں 5 میچز کھیلے جائیں گے۔

افتتاحی میچ قذافی اسٹیڈیم میں لاہور قلندرز اور اسلام آبادیونائیٹڈ کے درمیان ہوگا جبکہ ایونٹ کا فائنل کراچی میں کھیلا جائے گا۔

پاکستان سپر لیگ کے لیے ٹیموں کی آمد 12 فروری سے شروع ہوگی اور 4 دن آفیشل پریکٹس سیشن کے لیے ہوں گے۔