لندن: لندن سیکریٹریٹ کے باہراورقائد متحدہ کے گھرکے سامنے متحدہ قومی موومنٹ کے قائد کے خلاف پاکستانی کمیونٹی کی جانب سے احتجاجی مظاہرہ کیا گیا اور قائد متحدہ کےخلاف نعرے لگائے گئے۔
British Pakistanis protest against Altaf… by arynews
اے آر وائی کے نمائندہ لندن احمد علی سید کے مطابق پاکستان کی بڑی تعداد وہاں موجود تھی جس نے قائد متحدہ کے خلاف بھی نعرے لگائے مظاہرین میں بہت زیادہ غم و غصہ پایا جاتا ہے اور پاکستان کے حق میں مظاہرے کررہے تھے اور نعرے لگا رہے تھے کہ جو مودی کا یار ہے وہ غدار ہے غدارہے۔
قائد ایم کیو ایم کے پاکستان مخالف نعروں نے بیرون ملک مقیم پاکستانیوں میں بھی غم و غصہ کی لہر دوڑا دی ہے جس کے بعد برطانیہ میں مقیم پاکستانیوں نے کی کثیر تعداد نے قائد متحدہ کے گھر اور ایم کیو ایم کے لندن سیکریٹیریٹ کے سامنے مظاہرہ کیا، مظاہرہین نے قائد ایم کیو ایم کو شدید تنقید کا نشانہ بنایا اور اُن کے خلاف شدید نعرے بازی کی۔
مظاہرین پلے کارڈز اُٹھا رکھے تھے جس میں پاکستان کے حق میں اور قائد ایم کیو ایم کے خلاف نعرے درج تھے، مظاہرین نے حکومت برطانیہ سے اپیل کی کہ قائد ایم کیو ایم کو ملک بدر کر کے پاکستان کی تحویل میں دیا جائے تا کہ آئین پاکستان کے مطابق انہیں قرار واقعی سزا دی جائےسکے۔
