The news is by your side.

عمران خان پر حملے کیخلاف کارکنان سراپا احتجاج، فیض آباد میں مظاہرین پر پولیس کی شیلنگ

اسلام آباد: کراچی: لاہور: عمران خان پر حملے کے خلاف پی ٹی آئی کارکنان کا ملک بھر میں احتجاج جاری ہے مظاہرین نے مختلف مقامات پر سڑکیں بند کردیں جبکہ فیض آباد میں احتجاجی مظاہرین پر پولیس کی جانب سے شیلنگ کی گئی ہے۔

اے آر وائی نیوز کے مطابق تحریک انصاف کے چیئرمین عمران خان پر قاتلانہ حملے کے خلاف پی ٹی آئی کارکنان کی جانب فیض آباد میں احتجاج کیا گیا پولیس کی جانب سے مظاہرین پر آنسو گیس کی شیلنگ کی گئی، لاہور میں 8 مقامات پر احتجاج جاری ہے۔

لاہور میں مظاہرین نے گورنرہاؤس چوک کو بند کردیا

لاہور میں مظاہرین نے گورنرہاؤس چوک کو بند کردیا، سینٹر پوائنٹ کی جانب سے لبرٹی جانے والا ٹریک ٹریفک کے لیے بند کردیا گیا ہے ادھر ٹھوکر نیاز بیگ چوک پر بھی مظاہرین نے سڑک کو ٹریفک کے لیے بند کردیا گیا۔

’گل انٹرچینج کو بھی ٹریفک کے لیے بند کردیا جبکہ شاہدرہ چوک، شنگھائی پل، بابو صابو، فیصل چوک پر بھی احتجاج جاری ہے۔‘

سی ٹی او ڈاکٹر اسد نے تمام افسران کو چوکوں پر موجود رہنے کا حکم

سی ٹی او ڈاکٹر اسد نے تمام افسران کو چوکوں پر موجود رہنے کا حکم جاری کرتے ہوئے کہا کہ شہریوں کو متبادل راستے فراہم کیے جارہے ہیں، ایمبولینسز، ایمرجنسی گاڑیوں کے لیے راستہ کلیئر رکھا جائے۔

کراچی: نمائش سے صدر جانے والے ٹریک پر ٹریفک معطل

شہر قائد کے علاقے نمائش چورنگی پر بھی پی ٹی آئی کی کارکنان کی جانب سے احتجاج کیا گیا جس کے باعث نمائش سے صدر جانے والے ٹریک پر ٹریفک معطل ہوگئی، جبکہ پولیس کی بھاری نفری نمائش سے ہٹا کر سی بریز کی طرف بھیج دی گئی ہے۔

اوکاڑہ میں پی ٹی آئی کارکنان نے احتجاج کے طور پر ریلوے ٹریک کو بند کردیا کارکنان پھاٹک کے درمیان میں دھرنا دے کر بیٹھ گئے۔

 

Comments

یہ بھی پڑھیں