خالصتان تحریک کے رہنما ہردیپ سنگھ کے قتل میں بھارتی ایجنسیوں کے ملوث ہونے کی تصدیق کے بعد سکھ برادری کی جانب سے احتجاجی مظاہرے شدت اور زور پکڑنے لگے۔
تفصیلات کے مطابق خالصتان تحریک کے رہنما ہردیپ سنگھ کے بہیمانہ قتل پر کینیڈا، امریکا اور مختلف مغربی ریاستوں میں سکھ برادری کے احتجاجی مظاہرے جاری ہے۔
کینیڈین وزیراعظم نے قتل میں بھارتی ایجنسیوں کے ملوث ہونے کی تصدیق کی ، کینیڈین وزیراعظم کی تصدیق کے بعد دنیا بھر میں سکھ برادری کا شدید ردعمل سامنے آرہا ہے۔
سکھ برادری کی جانب سے احتجاجی مظاہرے شدت اور زور پکڑنے لگے ، پاکستان، کینیڈ اسمیت کئی مغربی ممالک میں سکھ برادری کی جانب سے احتجاجی ریلیاں جاری ہے ،سکھ برادری احتجاجی ریلیوں کی شکل میں شدیدغم وغصے کااظہار کررہی ہے۔
کینیڈا میں ٹورنٹو، وینکور، اوٹاوا اور امریکا میں سان فرانسسکومیں احتجاجی مظاہرے کئے گئے ، جس میں مظاہرین نے سفارتی سطح پر بھارت سے تعلق ختم کرنے کا مطالبہ کیا۔
ریلی میں مظاہرین نے کینیڈا میں بھارتی ہائی کمشنر سنجے ورما کو ملک بدر کرنے کا مطالبہ کیا، مظاہرین کا کہنا تھا کہ ہردیپ سنگھ کا قتل کرکے سکھوں کی خودمختاری کو چیلنج کیا گیا، بھارت سکھوں کودہشت گردکہتاہےاصل میں سکھ مظلوم اور بھارت دہشت گرد ہے۔
مظاہرین نے کینیڈین عوام، عالمی سطح پرسکھوں کی آزادی اور تحریکِ خالصتان کیلئے تعاون کی اپیل بھی کی جبکہ احتجاجی مظاہرین کی جانب سےدلی بنےگاخالصتان کی شدید نعرےبازی بھی کی گئی۔
