The news is by your side.

Advertisement

ٹائیگرز فورس ڈے کے انعقاد کی تیاریوں کے لیے صوبائی حکومتیں متحرک

لاہور: ملک بھر میں ٹائیگرز فورس ڈے کے انعقاد کی تیاریوں کے لیے صوبائی حکومتیں متحرک ہوگئیں۔

تفصیلات کے مطابق پنجاب بھر میں تقریبات کی تیاریوں کے لیے اعلیٰ سطح جائزہ اجلاس ہوا۔وزیراعلیٰ پنجاب عثمان بزدار،چیف سیکرٹری اور عثمان ڈار سمیت اعلیٰ حکام نے اجلاس میں شرکت کی۔

اجلاس میں صوبے میں ٹائیگرز فورس رضا کار ٹیموں کی تشکیل اور تقریبات پر حتمی مشاورت کی گئی۔

اس موقع پر وزیراعلیٰ پنجاب کا کہنا تھا کہ 9 اگست کو ٹائیگرز فورس ڈے بھرپور طریقے سے منایا جائے گا،پنجاب بھر میں شجر کاری مہم کی 520 تقریبات منعقد ہوں گی،صوبائی حکومت 12 لاکھ سے زائد پودے لگائے گی۔

عثمان بزدار کا کہنا تھا کہ وزیراعظم کے ویژن کے مطابق آئندہ نسلوں کو صاف ماحول فراہم کریں گے،2023 تک ملک بھرمیں 10 ارب پودے لگانے کا ہدف پورا کرنے کے لیے پرعزم ہیں۔

دوسری جانب معاون خصوصی عثمان ڈار کا کہنا تھا کہ ٹائیگرز فورس کے جوان صوبائی حکومت کی مدد کے لیے پوری طرح تیار ہیں،حکومتی سطح پر نوجوانوں کی سرپرستی رضا کاروں کا حوصلہ بڑھائے گی۔

انہوں نے کہا کہ وزیراعظم نے ٹائیگر زفورس کو ملک بھر میں متحرک کرنے کی ہدایت کی ہے،وزیراعظم ذاتی طور پر ٹائیگرز فورس ڈے کی تقریب میں شریک ہوں گے۔

عثمان ڈار کا کہنا تھا کہصوبائی حکومت کی جانب سے بروقت اور مثالی تعاون پر شکرگزار ہیں،ٹائیگر زفورس آنے والے وقت میں ملک کا قیمتی اثاثہ بنےگی۔

fb-share-icon0
Tweet 20

Comments

comments

یہ بھی پڑھیں