کراچی کی انسداد دہشتگردی کی عدالت نے ایم کیو ایم رہنماؤں کے خلاف اشتعال انگیز تقریر کے تین مقدمات میں فاروق ستار سمیت 6 ملزمان کو بری کردیا ہے۔
اے آر وائی نیوز کے مطابق ایم کیو ایم رہنماؤں کے خلاف اشتعال انگیز تقریر کے 3 مقدمات کی سماعت کراچی کی انسداد دہشتگردی کی عدالت میں ہوئی، عدالت نے مقدمے میں نامزد ایم کیو ایم کے سابق رہنما فاروق ستار سمیت 6 ملزمان کو بری کر دیا ہے۔
ملزمان کے خلاف شہر کے مختلف تھانوں میں مقدمات درج ہیں، پولیس کے مطابق مذکورہ ملزمان پر بانی ایم کیو ایم کی اشتعال انگیز تقریر میں سہولت کاری کا الزام ہے۔
