سندھ اسمبلی کے حلقہ پی ایس 70 ماتلی بدین کے ضمنی انتخاب میں پیپلزپارٹی نے کلین سوئپ کر لیا۔
غیر حتمی غیر سرکاری نتیجے کے مطابق پی پی امیدوار حاجی محمد ہالیپوٹو 46354 ووٹ لے کر کامیاب قرار پائے ہیں جب کہ جے یو آئی کےگل حسن 6342 ووٹ لے کر دوسرےنمبر پر رہے۔
چیئرمین پیپلزپارٹی بلاول بھٹو نے پی ایس70 بدین کے ضمنی انتخاب میں کامیابی پر پیغام میں کہا کہ پی پی امیدوار کی کامیابی ضلع بدین کی عوام کی فتح ہے، ماتلی کی عوام نےدھاندلی کوناکام بنایا، سلیکٹڈ کو بھی مسترد کر دیا۔
Election Results total 123 pollings
PPP 46037
GDA 410
JUI-F 6342PPP won 122 of 123 polling station. #PS70 #BadinBhuttoKa https://t.co/1ZaFFbG5jJ
— BilawalBhuttoZardari (@BBhuttoZardari) May 20, 2021
بلاول بھٹو نے کہا کہ پی ٹی آئی ایم ایف کوضمنی انتخابات میں مسلسل شکست ہورہی ہے، ضمنی انتخابات میں پی ٹی آئی اورحواری ضمانتیں ضبط کراچکےہیں، موجودہ صورتحال سلیکٹڈحکمرانوں کےلیےآئینہ ہے۔
انہوں نے کہا کہ خان صاحب نوشتہ دیوار پڑھو اور گھرجاؤ، پی پی عوام کےحقوق کی لڑائی لڑرہی ہے، عوامی مسائل کےحل کیلئےدن رات کام کر رہے ہیں۔
