دنیا کی مقبول کرکٹ لیگز میں سے ایک پاکستان سپر لیگ کے جاری دسویں ایڈیشن کے لیے بنگلہ دیش نے اپنے اہم کرکٹر کو ریلیز کر دیا ہے۔
پاکستان سپر لیگ 10 کے سنسنی خیز مقابلے جاری ہیں اور اس کرکٹ لیگ میں دنیا بھر کے نامور کرکٹرز شریک ہیں۔ بنگلہ دیش نے بھی زمبابوے کے خلاف جاری ٹیسٹ سیریز کے دوران اپنے اہم کھلاڑی کو پی ایس ایل کے لیے ریلیز کر دیا ہے۔
بنگلہ دیش کرکٹ بورڈ نے فاسٹ بولر ناہید رانا کو ریلیز کر دیا ہے وہ زمبابوے کے خلاف پہلا ٹیسٹ میچ کھیلنے کے بعد پشاور زلمی کو جوائن کر لیں گے۔
بنگلا دیش نے ایچ بی ایل پی ایس ایل کیلیے فاسٹ بولر ناہید رانا کو ٹیسٹ اسکواڈ سے ریلیز کردیا۔
بی سی بی نے ناہید رانا کی جگہ اسکواڈ میں لیفٹ آرم اسپنر تنویر الاسلام شامل کیا ہے۔ انہوں نے اب تک اپنے کیریئر کے 41 فرسٹ کلاس میچز میں 27.06 کی اوسط سے 134 وکٹیں لی ہیں۔
واضح رہے کہ بنگلہ دیش کو ہوم گراؤنڈ پر زمبابوے کے خلاف پہلے ٹیسٹ میچ میں شکست ہو چکی ہے۔
