لاہور: پاکستان سپر لیگ 10 کے فائنل میں سنسنی خیز مقابلے کے بعد لاہور قلندرز نے کوئٹہ گلیڈی ایٹرز کو شکست دے کر ٹائٹل اپنے نام کرلیا۔
اس سے قبل پی ایس ایل10 فائنل میں کوئٹہ گلیڈی ایٹرز نے لاہور قلندرز کو میچ جیتنے کیلئے 202 رنز کا ہدف دیا، حسن نواز نے شاندار ففٹی اسکور کی۔
تفصیلات کے مطابق کوئٹہ گلیڈی ایٹرز نے لاہورقلندرز کے خلاف پہلے بیٹنگ کرتے ہوئے 9 وکٹوں کے نقصان پر 201 رنز بنائے، نوجوان بیٹر حسن نواز نے 43 گیندوں پر 76رنز کی جارحانہ اننگز کھیل اور اپنی ٹیم کی جانب سے ٹاپ اسکورر رہے۔
آل رائونڈر فہیم اشرف نے آخری اوور میں زبردست لاٹھی چارج کیا، انھوں نے سلمان مرزا کے آخری اوور میں 23 رنز بٹورے، فہیم اشرف نے صرف 8 بالز پر 28 رنز کی اننگز کھیلی۔
ان کے علاوہ فرنینڈو 29، رائلی روسو اور چندی مل 22، 22 رنز بناکر نمایاں رہے، کپتان سعود شکیل 4 اور فن ایلن 12 رنز بناسکے۔
دریں اثنا پی ایس ایل10 کے فائنل مقابلے میں کوئٹہ گلیڈی ایٹرز کے کپتان سعود شکیل نے لاہور قلندرز کیخلاف ٹاس جیت کر بیٹنگ کا فیصلہ کیا۔
اے آر وائی نیوز کے مطابق ٹاس جیتنے کے بعد گفتگو کرتے ہوئے کوئٹہ کے قائد سعود شکیل کا کہنا تھا کہ پریشر میچ میں بڑا ٹوٹل بنالیا تو حریف کو دباؤ میں لےسکتے ہیں، فائنل بہت بڑا میچ ہوتا ہے، پی ایس ایل فائنل کو بھی عام میچ کی طرح کھیلیں گے۔
کس ٹیم کا پی ایس ایل چیمپئن بننا مشکل ہے؟ سابق کرکٹر نے بتادیا
سعود شکیل نے کہا کہ پریشر میچ میں بڑا ٹوٹل بنالیا تو حریف کو دباؤ میں لےسکتے ہیں، وسیم جونیئر کی جگہ خرم شہزاد کو ٹیم میں شامل کیا ہے، وسیم جونیئر کو انجری ہوئی ہے۔
کپتان لاہور قلندرز شاہین شاہ آفریدی کا کہنا تھا کہ سب منجھے ہوئے اور تجربہ کار کھلاڑی ہیں، ٹیم میں شکیب الحسن کی جگہ سکندر رضا کو شامل کیا۔
پی ایس ایل10 فائنل میچ میں پاک بحریہ کو خراج تحسین پیش کیا جائےگا
