راولپنڈی: لاہور قلندرز نے پشاور زلمی کو ہراکر آخری 4 ٹیموں میں جگہ بنالی، پشاور زلمی پہلی بار پی ایس ایل کے پہلے راؤنڈ سے باہر ہوگیا۔
پاکستان سپرلیگ 10 کے 29ویں میچ میں لاہور قلندرز نے پشاور زلمی کو 26 رنز سے شکست دے دی، پشاور زلمی کی ٹیم بابر اعظم کی کپتانی میں پہلی بار لیگ کے اگلے رائونڈ میں نہ جاسکی، پشاور کی ٹیم 150 رنز کے تعاقب میں 123 رنز بناسکی۔
ڈینئل سیمز 26، دانیال 24، عبدالصمد 17 اور کپتان بابر اعظم نے 16 رنز اسکور کیے، لاہور کے سلمان مرزا نے شاندار بولنگ کرتے ہوئے 31 رنز دیکر 4 وکٹیں حاصل کیں۔
اس سے قبل پاکستان سپر لیگ 10 کے 29ویں میچ میں لاہور قلندرز نے پشاورزلمی کو جیت کیلئے 150 رنز کا ہدف دیا ہے۔
لاہور قلندرز نے پہلے کھیلتے ہوئے 8 وکٹوں کے نقصان پر 149 رنز اسکور کیے، بارش کی وجہ سے میچ کو 13 اوورز فی اننگز تک محدود کیا گیا ہے، لاہور کی جانب سے فخر زمان نے 36 گیندوں پر 60 رنز کی دھواں دھار اننگز کھیلی۔
محمد نعیم نے 22، آصف علی نے 18 جبکہ کوشال پریرا نے 17 رنز اسکور کیے، پشاور کی طرف سے احمد دانیال، علی رضا اور ڈینیل سیمز نے 2، 2 وکٹیں حاصل کیں۔
پنڈی کرکٹ اسٹیڈیم میں بارش کے باعث پشاور اور لاہور کے درمیان میچ کا ٹاس تاخیر سے ہوا، میچ کو بھی 13، 13 اوورز تک محدود کر دیا گیا۔
پشاور کے کپتان بابر اعظم کا کہنا تھا کہ پلان کے مطابق پرفارم کریں گے۔ آج کے میچ کے لیے ٹیم میں تین تبدیلیاں کرتے ہوئے ڈینیل سیمز، محمد علی اور عبدالصمد کو شامل کیا گیا۔
واضح رہے کہ کوئٹہ گلیڈیئٹرز اور کراچی کنگز نے پلے آف مرحلے کے لیے کوالیفائی کر لیا ہے، پشاور کو اگلے مرحلے میں رسائی کی امیدیں برقرار رکھنے کے لیے آج کے میچ میں لازمی فتح درکار تھی۔
لاہور قلندرز آج کا میچ جیت کر پی ایس ایل کے کوالیفائرز میں پہنچ گئی جبکہ اسلام آباد یونائیٹڈ بھی اگلے مرحلے میں پہنچ گئی اور پشاور ٹورنامنٹ سے باہر ہوگئی
خواجہ نافع کی دھواں اننگز ملتان کیخلاف 26 بالز پر ففٹی جڑدی
