پی ایس ایل 10 کے 16ویں میچ میں لاہور قلندرز نے ملتان سلطانز کو 5 وکٹوں سے شکست دے دی۔
لاہور کے قذافی اسٹیڈیم میں کھیلے گئے میچ میں لاہور قلندرز نے ملتان سلطانز کی جانب سے دیا جانے والا 186 رنز کا ہدف 19 اوورر میں 5 وکٹوں کے نقصان پر حاصل کرلیا، ایونٹ میں ملتان سلطانز کی یہ پانچویں شکست ہے۔
ڈیرل مچل نے 64 رنز کی میچ وننگ اننگز کھیلی، سکندر رضا 39 رنز بنا کر نمایاں رہے۔
View this post on Instagram
فخر زمان 28 رنز بنا کر آؤٹ ہوئے، محمد نعیم 6 عبداللہ شفیق نے 34 رنز بنائے، سیم بلنگز بغیر کوئی رن بنائے آؤٹ ہوئے۔
View this post on Instagram
ملتان سلطانز کی جانب سے عبید شاہ نے دو کھلاڑیوں کو آؤٹ کیا، محمد حسنین اور جوش لٹل نے ایک، ایک وکٹ حاصل کی۔
View this post on Instagram
ملتان سلطانز نے مقررہ اوورزمیں 3 وکٹوں کے نقصان پر 185 رنز بنائے اور لاہور قلندرز کو جیت کے لیے 186 رنز کا ہدف دیا تھا۔
یاسر خان 24 رنز بنا کر آؤٹ ہوئے، عثمان خان 18 رنز بنا کر پویلین لوٹ گئے، شائے ہوپ 9 رنز بناسکے۔ کپتان محمد رضوان 76 رنز بنا کر نمایاں رہے، کامران غلام نے 52 رنز کی اننگز کھیلی۔
View this post on Instagram
لاہور قلندرز کی جانب سے ٹام کرن، حارث رؤف اور ڈیرل مچل نے ایک، ایک کھلاڑی کو آؤٹ کیا۔
View this post on Instagram
شاہین آفریدی نے ٹاس جیت کر محمد رضوان الیون کو پہلے بیٹنگ کی دعوت دی تھی۔
View this post on Instagram
لاہور قلندرز میں محمد نعیم کی واپسی ہوئی ہے جبکہ ٹان کرن ڈیبیو کریں گے۔
ملتان سلطانز نے تین تبدیلیاں کرتے ہوئے عاکف جاوید، محمد حسنین اور شائے ہوپ کو پلیئنگ الیون کا حصہ بنایا ہے۔
View this post on Instagram
پہلے میچ میں ملتان سلطانز نے واحد کامیابی لاہور قلندرز کے خلاف حاصل کی تھی۔
پی ایس ایل 10 میں ملتان نے پانچ میچ کھیلے ہیں چارمیں ناکامی ہوئی، پوائنٹس ٹیبل پر لاہور تیسرے اور ملتان آخری نمبر پرموجود ہے۔
ہیڈ ٹو ہیڈ مقابلوں میں ملتان نے 11 اور لاہور قلندرز نے 9 میچوں میں کامیابی حاصل کی ہے۔
واضح رہے کہ گزشتہ روز کھیلے گئے میچ میں کوئٹہ گلیڈی ایٹرز نے سنسنی خیز مقابلے کے بعد کراچی کنگز کو 5 رنز سے شکست دی تھی۔
