پی ایس ایل 10 کے 14ویں میچ میں پشاور زلمی نے لاہور قلندرز کو 7 وکٹوں سے ہرا دیا۔
لاہور کے قذافی اسٹیڈیم میں کھیلے گئے میچ میں پشاور زلمی نے لاہورقلندرز کی جانب سے دیا جانے والا 130 رنز کا ہدف 17ویں اوور میں حاصل کرلیا۔
بابر اعظم نے ناقابل شکست 56 رنز کی اننگز کھیلی، ان کی اننگز میں 7 چوکے اور ایک چھکا شامل تھا۔
حسین طلعت 51 رنز بنا کر نمایاں رہے، محمد حارث 20 رنز بنا کر آؤٹ ہوئے، صائم ایوب 2 اور ٹم کوہلر کیڈ مور بغیر کوئی رن بنائے پویلین لوٹ گئے۔
لاہور قلندرز کی جانب سے شاہین آفریدی نے 2 اور حارث رؤف نے ایک کھلاڑی کو آؤٹ کیا۔
لاہور قلندرز کی ٹیم نے پہلے بیٹنگ کرتے ہوئے آخری اوور میں 129 رنز بنا کر آؤٹ ہوئی اور پشاور زلمی کو جیت کے لیے 130 رنز کا ہدف دیا تھا۔
قلندرز کی ٹیم ابتدا سے ہی وکٹیں گنواتی رہی اور صرف 34 رنز پر آدھی ٹیم پویلین لوٹ گئی۔
سکندر رضا نے 52 رنز بناکر نمایاں رہے، فخر زمان 10 رنز بنا کر آؤٹ ہوئے، آصف علی 5، عبداللہ شفیق 0، ڈیرل مچل 2 اور سیم بلنگز 9 رنز بنا کر پویلنی لوٹ گئے۔کپتان شاہین شاہ آفریدی 16 اور رشاد حسین 13 رنز بناسکے۔
View this post on Instagram
پشاور زلمی کی جانب سے الزاری جوزف نے تین کھلاڑیوں کو آؤٹ کیا، لک ووڈ نے دو اور علی رضا نے ایک وکٹ حاصل کی۔
View this post on Instagram
پشاور زلمی کے کپتان بابر اعظم نے لاہور قلندرز کو پہلے بیٹنگ کی دعوت دی تھی۔
پشاور زلمی کی ٹیم میں کوئی تبدیلی نہیں کی گئی ہے۔لاہور قلندرز نے آصف علی اور محمد آذب کو پلیئنگ الیون میں شامل کیا ہے۔
View this post on Instagram
پی ایس ایل 10 میں پشاور زلمی مشکلات کا شکار ہے چار میچ کھیلے تین ہارے ہیں جبکہ لاہور نے چار میں دو میچ جیتے اور دو میں شکست ہوئی ہے۔
ہیڈ ٹو ہیڈ مقابلوں میں پشاور زلمی کا پلڑا بھاری ہے۔ 19 میں سے 11 میچوں میں کامیابی حاصل کی ہے۔
واضح رہے کہ ملتان میں گزشتہ روز کھیلے گئے میچ میں اسلام آباد یونائیٹڈ نے ملتان سلطانز کو شکست دے کر مسلسل پانچویں کامیابی حاصل کی تھی۔
