تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پی ایس ایل فائنل: وزیراعلیٰ سندھ نے شٹل سروس چلانے کا اعلان کردیا

کراچی : وزیراعلی سندھ سید مراد علی شاہ نے پی ایس ایل تھری کے فائنل کے روز ڈبل سواری پر پابندی کی تجویز مسترد کردی اور ساتھ ہی عوام کیلئے شٹل سروس چلانے کا اعلان کردیا۔

تفصیلات کے مطابق وزیراعلیٰ سندھ سید مراد علی شاہ نے کراچی میں ہونے والے پی ایس ایل سیزن تھری کے فائنل میچ کے موقع پرسندھ پولیس کی جانب سے دی گئی ڈبل سواری پر پابندی کی تجویز مسترد کرتے ہوئے کہا ہے کہ ہمیں نوجوانوں کو تفریح فراہم کرنی ہے انہیں مشکل میں نہیں ڈالنا۔

یہ بات انہوں نے وزیراعلیٰ ہاؤس کراچی میں منعقدہ پی ایس ایل تھری کے  فائنل کے انتظامات سے متعلق اجلاس کی صدارت کرتے ہوئے کہی۔

مراد علی شاہ نے اعلان کیا کہ حکومت سندھ کی جانب سے پی ایس ایل کے فائنل کے موقع پر 300گاڑیوں پرمشتمل شٹل سروس چلائی جائے گی، شٹل سروس کےسینتالیس سینٹرزہوں گے۔

انہوں نے کہا کہ میں چاہتا ہوں کہ کراچی کے نوجوان پی ایس ایل فائنل کو انجوائے کریں میں ان سے تفریح کا موقع چھیننا نہیں چاہتا، اجلاس میں وزیر اعلیٰ سندھ نے ہدایت کی کہ پارکنگ ایریاز میں واش روم اور پینے کے پانی کی سہولتیں ہونی چاہئیں۔

اس موقع پر وزیر داخلہ سہیل انور سیال، وزیر اطلاعات سید ناصر شاہ، وزیر بلدیات جام خان شورو، ڈی جی رینجرز، آئی جی پولیس اے ڈی خواجہ، ایڈیشنل آئی جی سی ٹی ڈی، ایڈیشنل آئی جی کراچی مشتاق مہر، ایڈیشنل آئی جی اسپشل برانچ طاہر آزاد، بلدیاتی اداروں کے متعلقہ حکام و صوبائی سیکریٹریز نے شرکت کی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

- Advertisement -