کراچی: بین الاقوامی شہرت یافتہ اداکارہ مہوش حیات اور ماہرہ خان نے پی ایس ایل کی افتتاحی تقریب میں پرفارم کرنے کی تردید کردی۔
تفصیلات کے مطابق تمغہ امتیاز یافتہ اداکارہ مہوش حیات اور ماہرہ خان نے سماجی رابطے کی ویب سائٹ ٹویٹر پر نیشنل اسٹیڈیم کراچی میں پی ایس ایل افتتاحی تقریب میں پرفارم کرنے کی تردید کردی۔
اداکارہ مہوش حیات نے اپنے ٹویٹ میں لکھا کہ ’آپ سب کی محبتوں کا شکریہ لیکن بدقسمتی سے میں اس سال پی ایس ایل 5 کی افتتاحی تقریب میں نہ کوئی گانا گاؤں گی اور نہ ہی نہیں پرفارم کروں گی۔
Just to clarify, contrary to media reports I can confirm that unfortunately I will not be singing any songs or performing at the PSL opening ceremony this year. Thank you for all the love and lets all enjoy the feast of cricket that PSL will bring ! 🏏
— Mehwish Hayat TI (@MehwishHayat) February 3, 2020
دوسری جانب ماہرہ خان نے بھی اس حوالے سے اپنی ٹویٹ میں وضاحت دیتے ہوئے کہا کہ ’پی ایس ایل کی افتتاحی تقریب میں پرفارم نہیں کروں گی البتہ افتتاحی تقریب میں شریک ہوں گی۔
Hi. This is incorrect information. Will not be performing at the awards. Just attending. https://t.co/mTsVotWF8A
— Mahira Khan (@TheMahiraKhan) February 3, 2020
واضح رہے کہ اس سے قبل یہ خبریں گردش کررہی تھیں کہ مہوش اور ماہرہ پی ایس ایل 5 کی افتتاحی تقریب میں پرفارم کریں گی، پی ایس ایل 4 میں پی ایس ایل تقریب میں اداکارہ حریم فاروق نے پرفارم کیا تھا۔
نیشنل اسٹیڈیم کراچی میں پی ایس ایل 5 کی افتتاحی تقریب 20 فروری کو منعقد ہوگی، ایونٹ کے میچز کراچی، لاہور، ملتان اور راولپنڈی میں کھیلے جائیں گے۔
یاد رہے کہ پی ایس ایل پہلی بار پاکستان میں منعقد ہورہا ہے، پہلا میچ کراچی جبکہ ایونٹ کا فائنل لاہور کے قذافی اسٹیڈیم میں کھیلا جائے گا۔
