The news is by your side.

Advertisement

پی ایس ایل افتتاحی تقریب، مہوش حیات اور ماہرہ خان کی تردید

کراچی: بین الاقوامی شہرت یافتہ اداکارہ مہوش حیات اور ماہرہ خان نے پی ایس ایل کی افتتاحی تقریب میں پرفارم کرنے کی تردید کردی۔

تفصیلات کے مطابق تمغہ امتیاز یافتہ اداکارہ مہوش حیات اور ماہرہ خان نے سماجی رابطے کی ویب سائٹ ٹویٹر پر نیشنل اسٹیڈیم کراچی میں پی ایس ایل افتتاحی تقریب میں پرفارم کرنے کی تردید کردی۔

اداکارہ مہوش حیات نے اپنے ٹویٹ میں لکھا کہ ’آپ سب کی محبتوں کا شکریہ لیکن بدقسمتی سے میں اس سال پی ایس ایل 5 کی افتتاحی تقریب میں نہ کوئی گانا گاؤں گی اور نہ ہی نہیں پرفارم کروں گی۔

دوسری جانب ماہرہ خان نے بھی اس حوالے سے اپنی ٹویٹ میں وضاحت دیتے ہوئے کہا کہ ’پی ایس ایل کی افتتاحی تقریب میں پرفارم نہیں کروں گی البتہ افتتاحی تقریب میں شریک ہوں گی۔

واضح رہے کہ اس سے قبل یہ خبریں گردش کررہی تھیں کہ مہوش اور ماہرہ پی ایس ایل 5 کی افتتاحی تقریب میں پرفارم کریں گی، پی ایس ایل 4 میں پی ایس ایل تقریب میں اداکارہ حریم فاروق نے پرفارم کیا تھا۔

نیشنل اسٹیڈیم کراچی میں پی ایس ایل 5 کی افتتاحی تقریب 20 فروری کو منعقد ہوگی، ایونٹ کے میچز کراچی، لاہور، ملتان اور راولپنڈی میں کھیلے جائیں گے۔

یاد رہے کہ پی ایس ایل پہلی بار پاکستان میں منعقد ہورہا ہے، پہلا میچ کراچی جبکہ ایونٹ کا فائنل لاہور کے قذافی اسٹیڈیم میں کھیلا جائے گا۔

fb-share-icon0
Tweet 20

Comments

comments

یہ بھی پڑھیں