لاہور: پاکستان سپر لیگ (پی ایس ایل) کے منتظمین نے ٹورنامنٹ کے لئے پلاٹینم کیٹگری میں شامل غیر ملکی کھلاڑیوں کے ناموں کا اعلان کردیا ہے۔
اے آر وائی نیوز کی رپورٹ کے مطابق پی ایس ایل کے چھٹے سیزن کے لئے ویسٹ انڈیز کے جارح مزاح بلے باز گرس گیل، جنوبی افریقہ سے تعلق رکھنے والے ڈیوڈ ملر، افغان کرکٹر راشد خان سمیت انگلینڈ کے ڈیوڈملان، ویسٹ انڈیز سے تعلق رکھنے والے ڈین براوو، آسٹریلیا کے کرس لین، انگلینڈ کے ایلکس ہیلز، جنوبی افریقہ کے مورنی مورکل اور افغان کرکٹر محمد نبی کو پلاٹینم روسٹر میں شامل کیا گیا ہے۔
اس کے علاوہ جنوبی افریقہ کے لیگ اسپنر محمد طاہر، ڈیل اسٹین ، انگلش کرکٹر ٹام بنٹن اور کرس جارڈن بھی پلاٹینم کیٹگری شامل ہیں۔
PSL Foreign Platinum List of Pakistan Super League Season Six!
📷 : PCB #PSL6 | #HarHallMainCricket | #Cricketroom pic.twitter.com/lvzlG7yaAq— Cricket Room (@cricketroom_) January 5, 2021
پی ایس ایل کے چھٹے ایڈیشن کے لئے ڈرافٹنگ رواں ماہ دس جنوری کو لاہور میں ہوگی۔
پی ایس ایل 6 کا پہلا پک آرڈر کون سی ٹیم حاصل کرے گی؟
پی ایس ایل سیزن فائیو میں آخری نمبر پر رہنے والی اسلام آباد یونائٹیڈ پہلی پک کرے گی، دوسری باری ملتان سلطانز جبکہ تیسری پک لاہور قلندرز کی ہوگی۔
اسی طرح چوتھی باری پشاور زلمی ،پانچویں کوئٹہ گلیڈی ایٹر کی ہوگی، سال دوہزار بیس کی چیمپئن ٹیم کراچی کنگز پہلے راؤنڈ میں آخر میں کھلاڑی پک کرے گا۔
