پی ایس ایل سکس غیر معینہ مدت کے لیے ملتوی ہونے کے بعد تماشائیوں کے لیے ٹکٹ کی ری فنڈ کا عمل شروع ہوگیا۔
ٹکٹیں فروخت کرنے والی بک میں ڈاٹ کام کے سی ای او فیضان اسلم کا کہنا ہے کہ ری فنڈ کا طریقہ کار بھی آن لائن ہی ہوگا۔
شائقین کرکٹ کو گھر بیٹھے ہی ری فنڈ مل سکے گا۔ آن لائن اور موبائل بینکنگ کے اکاونٹ میں رقم موصول ہوگی۔
بینک کے ری فنڈ پروسیس میں ایک ہفتے لگ سکتا ہے۔ ایک ہفتے کے اندر کراچی اور لاہور لیگ کے ٹکٹ ری فنڈ کریئےجائں گے۔
سی ای او فیضان اسلم کا کہنا ہے کہ شائقین ری فنڈ کے حوالے سے بلکل پریشان نہ ہوں انہیں سہولت کے ساتھ رقم کی ادائیگی کی جائے گی۔
کرونا کیسز کے بڑھتے وار نے پاکستان کی سب سے مشہور لیگ پی ایس ایل کو گہن لگادیا جس کے باعث پاکستان سپر لیگ سیزن سکس کو ملتوی کردیا گیا ہے
پی ایس ایل انتظامیہ کی لاپرواہی اور غیر ذمہ داری کے باعث پی ایس ایل کو ملتوی کرنا پڑا، ٹورنامنٹ کے دوران کھلاڑیوں اور حکام کو کرونا سے محفوظ رکھنے کے لئے مناسب اقدامات نہیں کئے گئے، پی ایس ایل کھلاڑی اور حکام جس ہوٹل میں ٹھہرائے گئے تھے وہاں شادی کی تقریبات چلتی رہیں۔
