تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پی ایس ایل7: آن لائن ٹکٹوں کی فروخت شروع

کراچی: شائقین کرکٹ کے لئے بڑی خوشی کی خبر ہے کہ پی ایس ایل سیزن 7 کے ٹکٹوں کی فروخت شروع ہوگئی ہے۔

پی سی بی کی جانب سے ٹکٹوں کی قیمتوں کے اعلان کے بعد بک می ڈاٹ پی کے نامی ویب سائٹ پر یہ ٹکٹ خریدے جارہے ہیں، شائقین کرکٹ کی جانب سے آن لائن ٹکٹوں کی خریداری میں گہری دلچسپی کا اظہار کیا جارہا ہے۔

ٹکٹ کی کم سے کم قیمت 500 ،زیادہ سے زیادہ 3000 روپے رکھی گئی ہے۔Imageخریدار آن لائن ٹکٹ خریدنے کےلیےشناختی کارڈ اور موبائل نمبر کا استعمال کرے گا، جس کے فوری بعد موبائل نمبر پر ویب سائٹ کی جانب سے ٹوکن نمبر بھیجا جائے گا، خریدار ٹوکن نمبر ایزی پیسہ یا جاز کیش کو دکھا کر ٹکٹ کی رقم ادا کرسکے گا۔

یہ بھی پڑھیں: کورونا کیسز: پی ایس ایل سے متعلق مختلف آپشنز زیرِغور

نیشنل اسٹیڈیم کراچی اور قذافی اسٹیڈیم لاہور میں فی الحال سو فیصد تماشائیوں کو میچز دیکھنے کی اجازت ہوگی، تاہم کووڈ کی صورتحال کو سامنے رکھتےہوئے اس تعداد کو نصف بھی کیا جاسکتاہے۔

واضح رہے کہ پی ایس یل سیزن 7 کی افتتاحی تقریب 27جنوری کو نیشنل اسٹیڈیم کراچی میں ہوگی، جہاں کراچی کنگز اور دفاعی چیمپئن ملتان سلطانز افتتاحی میچ کھیلیں گے۔

کراچی کنگز اور کوئٹہ گلیڈی ایٹرز کا ٹکراو 29جنوری کو ہوگا، کراچی کنگز اور لاہور قلندرز 30جنوری کو مدمقابل ہونگے۔

Comments

- Advertisement -
علی حسن
علی حسن
علی حسن اے آروائی نیوز سے اسپورٹس رپورٹر کی حیثیت سے وابستہ ہیں اور کھیلوں کے معاملات میں گہری دلچسپی رکھتے ہیں