پاکستان میں کرکٹ کا سب سے بڑا میلہ پی ایس ایل 8 شروع ہوچکا ہے ٹورنامنٹ کی سب سے مقبول ٹیم کراچی کنگز نے اپنا آفیشل نغمہ جاری کردیا ہے۔
جوش وجذبہ بڑھاتا، امیدوں کی کرن کو روشن رکھتے کراچی کنگز کے آفیشل ترانے میں پاکستان کے مقبول ترین گلوکاروں علی عظمت اور عاصم اظہر نے اپنی آواز کا جادو جگایا ہے جب کہ نوجوانریپر رامس علی نے اس میں ریپ کا تڑکا لگایا ہے۔
’’نہ جھکنا کبھی، نہ رکنا ابھی، ہے منزل وہ دور نہیں‘‘ جیسے بولوں پر مبنی یہ نغمہ دیکھنے اور سننے والوں پر ایک سحر طاری کر رہا ہے شائقین کرکٹ کا جوش وجذبہ اور کراچی کے فینز کے امیدوں کو مزید ممہیز بخش رہا ہے۔
کراچی کنگز کے آفیشل ٹوئٹر پیج پر صرف چند گھنٹے قبل ریلیز کیے گئے نغمے کو صارفین کی جانب سے بے حد سراہا جا رہا ہے اور دیکھتے ہی دیکھتے یہ ترانہ وائرل ہوکر اب ہر ایک کے لبوں پر سج رہا ہے۔
ہزاروں صارفین اس ترانے کو دیکھ کر پسندیدگی کا اظہار کرچکے ہیں اور وقت گزرنے کے ساتھ ساتھ اس کی مقبولیت بڑھتی جا رہی ہے۔
#KarachiKings Anthem 2023 is OUT NOW! https://t.co/62veDMczIP#YehHaiKarachi #PSL2023 #HBLPSL8 @Salman_ARY @Jerjees @wasimakramlive @mahboobrauf @AsimAzharr @RealAliAzmat pic.twitter.com/TnqIc5ikfo
— Karachi Kings (@KarachiKingsARY) February 13, 2023
اس آفیشل ترانے میں کراچی کنگز کے تمام کھلاڑیوں کو دکھایا اور شہر قائد کی اہم مقامات کی عکاسی کے ساتھ نوجوانوں میں کرکٹ کا جنون بھی دکھایا گیا ہے۔
واضح رہے کہ لیگ کی سب سے مقبول ٹیم کراچی کنگز آج سے پی ایس ایل 8 میں اپنی پیش قدمی کا آغاز کر رہی ہے۔ نیشنل اسٹیڈیم کراچی میں رات 8 بجے کراچی کنگز کے شیر پشاور زلمی کا مقابلہ کریں گے۔
