راولپنڈی: پی ایس ایل 8 میں ملتان سلطانز کے بیٹر خوشدل شاہ کو پشاور زلمی کے خلاف میچ میں امپائر سے بحث کرنے پر سزا مل گئی۔
تفصیلات کے مطابق ملتان سلطانز کے مڈل آرڈر بیٹر خوشدل شاہ کو امپائر سے بحث کرنے پر میچ فیس کا دس فیصد جرمانہ عائد کیا گیا ہے۔
خوشدل شاہ نے ملتان کی بیٹنگ کے دوران دو مرتبہ امپائرز کو گیند چیک کرنے کو کہا تھا۔ خوشدل شاہ پر ضابطہ اخلاق کی شق 2.4 کے تحت لیول ون کی کارروائی کی گئی۔
- Advertisement -
ملتان سلطانز کے بیٹر نے اپنی غلطی کا اعتراف کرتے ہوئے جرمانے کو تسلیم کرلیا ہے۔
واضح رہے کہ ملتان سلطانز نے میچ میں پشاور زلمی کو 6 وکٹوں سے شکست دے کر تاریخی ہدف حاصل کیا تھا، رائلی روسو کو شاندار سنچری پر میچ کا بہترین کھلاڑی قرار دیا گیا۔
یاد رہے کہ آج پی ایس ایل 8 کے 28ویں میچ میں ملتان سلطانز اور کوئٹہ گلیڈی ایٹرز کی ٹیمیں مدمقابل آئیں گی۔
