ایچ بی ایل پاکستان سپر لیگ سیزن 9 کے سنسنی خیز مقابلے کراچی میں شروع ہو گئے ہیں شائقین کرکٹ کے لیے اب ٹکٹ کا حصول بہت آسان ہو گیا ہے۔
ایچ بی ایل پی ایس ایل سیزن 9 کا پہلا مرحلہ اختتام پذیر ہوا اور دوسرے مرحلے میں کراچی میں سنسنی خیز مقابلے شروع ہو گئے ہیں جس کے لیے کراچی کے کرکٹ شائقین بہت بے چین تھے۔
شائقین کرکٹ کے لیے بڑی خوشخبری ہے کہ اب پی ایس ایل کے تمام میچز کے ٹکٹوں کا شیڈول بہت آسان ہوگیا ہے اور ٹکٹ آن لائن دستیاب ہیں۔
شائقین کرکٹ تمام میچوں کے ٹکٹس پی سی بی ڈاٹ ٹی سی ایس ڈاٹ کام ڈاٹ پی کے (pcb.tcs.com.pk) سے حاصل کر سکتے ہیں۔
صرف یہیں نہیں انٹرنیٹ استعمال نہ کرنے والے شائقین کرکٹ اپنے گھر کے قریب ٹی سی ایس کے کسی بھی مخصوص مرکز سے حاصل کر سکتے ہیں۔
واضح رہے کہ کراچی میں پی ایس یل کے 11 میچز کھیلیں جائیں گے۔ پلے آف مرحلے سمیت فائنل بھی شہر قائد میں کھیلا جائے گا یوں کراچی کے شائقین آئندہ دو ہفتے تک سنسنی خیز کرکٹ مقابلے اور نامور قومی اور بین الاقوامی کرکٹرز کو اپنے سامنے پرفارم کرتا دیکھ سکیں گے۔
