جنوبی افریقہ سے تعلق رکھنے والے کراچی کنگز کے لیفٹ آرم اسپنر تبریز شمسی کو کھلاڑیوں نے ٹیم ہوٹل میں بڑا سرپرائز دے کر حیران دیا۔
کراچی کنگز آج سے ملتان میں پی ایس ایل 9 کی مہم کا آغاز کر رہی ہے وہ رات ساڑھے 7 بجے ملتان کرکٹ اسٹیثیم میں سلطانوں کے مدمقابل اتریں گے۔ میچ سے ایک روز قبل کراچی کے شیروں نے اپنے ٹیم میٹ اور جنوبی افریقہ سے تعلق رکھنے والے لیفٹ آرم اسپنر تبریز شمسی کو بڑا سرپرائز دے کر حیران کر دیا۔
تبریز شمسی کی گزشتہ روز سالگرہ تھی جس کو کراچی کنگز کی ٹیم نے بھرپور طریقے سے منایا۔ کھلاڑی، کوچز اور ٹیم مینجمنٹ کے اراکین تبریز کے کمرے کے باہر جمع ہوئے اور جیسے ہی وہ کمرے سے باہر آئے انہیں اجتماعی طور پر سالگرہ کی مبارکباد دے کر حیران کر دیا۔
View this post on Instagram
اس حوالے سے کراچی کنگز کی جانب سے ویڈیو سوشل میڈیا پر جاری کی گئی جو دیکھتے ہی دیکھتے وائرل ہو گئی۔ جس میں دیکھا جا سکتا ہے کہ ٹیم اراکین کیک لے کر تبریز کے کمرے کے باہر پہنچے جہاں انہوں نے دروازہ کھٹکھٹایا جب لیفٹ آرم اسپنر باہر آئے تو سب سے انہیں تالیاں بجا کر اور گلے لگا کر مبارکباد دی۔
پی ایس ایل 9 کا بڑا ٹاکرا، آج کراچی کنگز اور ملتان سلطانز ٹکرائیں گے
تبریز کھلاڑیوں اور ٹیم اراکین کی یہ محبت اور سرپرائز دیکھ کر حیران رہ گئے اور خوشی ان کے چہرے سے عیاں تھی۔ بعد ازاں کرکٹر نے کیک بھی کاٹا۔
