ملتان سلطانز نے کوالیفائر میں پشاور زلمی کو باآسانی شکست دیتے ہوئے پاکستان سپر لیگ 9 کے فائنل میں جگہ بنالی۔
تفصیلات کے مطابق ملتان کی ٹیم اپنی عمدہ پرفارمنس کے باعث لگاتار چوتھی بار پی ایس ایل کے فائنل میں پہنچ گئی۔ فاتح ٹیم نے147 رنز کا ہدف 19 ویں اوور میں حاصل کرتے ہوئے پشاورزلمی کو 7 وکٹوں سے مات دی۔
فائنل کے لیے کوالیفائر میچ شکست کے بعد پشاور زلمی اب ایلی منیٹر ٹو میں ایلی منیٹر ون کی فاتح ٹیم سے ٹکرائے گی۔
ملتان سلطان کی جانب سے اوپنر یاسرخان 37 گیندوں پر 54 رنز بناکر نمایاں رہے۔ عثمان خان نے 28 گیندوں پر 36 رنز کی عمدہ اننگز کھیلی جبکہ افتخار احمد بھی 8 گیندوں میں 22 رنز بناکر ناٹ آؤٹ رہے۔
شکست سے دوچار ہونے والی پشاور کی ٹیم کی جانب سے مہران ممتاز، عامرجمال اور سلمان ارشاد نے 1،1 وکٹ اپنے نام کی۔
پی ایس ایل 9 کے کوالیفائر میچ میں پشاور زلمی نے ملتان سلطانز کو جیت کے لیے 147 رنز کا ہدف دے دیا۔
کراچی کے نیشنل اسٹیڈیم میں کھیلے جارہے میچ میں پشاور زلمی نے مقررہ اوورز میں 7 وکٹوں کے نقصان پر 146 رنز بنائے اور ملتان سلطانز کو جیت کے لیے 147 رنز کا ہدف دیا۔
کپتان بابر اعظم 46 رنز کے ساتھ نمایاں رہے، ٹام کوہلر کیڈ مور 24 رنز بنا کر اسامہ میر کا نشانہ بنے، محمد حارث 22 رنز بنا کر پویلین لوٹ گئے۔
View this post on Instagram
صائم ایوب ایک رن بنا کر ڈیوڈ ولے کو وکٹ دے بیٹھے، حسیب اللہ خان 3 رنز بنا کر چلتے بنے، عامر جمال ایک رن پر عباس آفریدی نے بولڈ کیا۔
View this post on Instagram
پال والٹر اور لیوک ووڈ 14، 14 رنز بنا کر ناٹ آؤٹ رہے۔
View this post on Instagram
ملتان سلطانز کی جانب سے کرس جارڈن اور اسامہ میر نے دو، دو وکٹیں حاصل کیں، ڈیوڈ ولے، محمد علی اور عباس آفریدی ایک، ایک وکٹ حاصل کرسکے۔
View this post on Instagram
اس سے قبل زلمی کے کپتان بابر اعظم نے ٹاس جیت کر محمد رضوان الیون کو پہلے بولنگ کی دعوت دی تھی۔
پشاور زلمی میں پال والٹر اور سلمان ارشاد کی واپسی ہوئی ہے۔
ملتان سلطانز نے طیب طاہر کی جگہ خوشدل شاہ کو فائنل الیون کا حصہ بنایا ہے۔
View this post on Instagram
کوالیفائر میچ جیتنے والی ٹیم فائنل میں پہنچ جائے گی جبکہ ہارنے والی ٹیم ایلیمنیٹر ون کی فاتح ٹیم سے ٹکرائے گی۔
واضح رہے کہ گروپ مرحلے ملتان سلطانز نے 7 اور پشاور زلمی نے 6 میچز میں کامیابی حاصل کی تھی۔
