کراچی: پی ایس سیزن فور کے فائنل میچ میں کوئٹہ گلیڈی ایٹرز نے پشاور زلمی کو 8 وکٹوں سے باآسانی شکست دے کر پی ایس ایل کا ٹائٹل پہلی مرتبہ اپنے نام کرلیا، حسنین کو میچ کا بہترین کھلاڑی قرار دیا گیا۔
تفصیلات کے مطابق کراچی کے نیشنل اسٹیڈیم میں کھیلے جانے والے میچ میں کوئٹہ گلیڈی ایٹرز نے 139 رنز کا ہدف 2 وکٹوں کے نقصان پر حاصل کرلیا، احمد شہزاد نے شاندار نصف سنچری اسکور کی۔
گلیڈی ایٹرز کی پہلی وکٹ 19 رنز پر گری جب شین واٹسن 7 رنز بنا کر عمر امین کے ہاتھوں رن آؤٹ ہوئے، احسن علی نے 25 رنز کی اننگز کھیلی۔
احمد شہزاد نے 59 اور رائلی روسو نے 39 رنز کی ناقابل شکست اننگز کھیلی۔
پشاور زلمی کے وہاب ریاض نے ایک وکٹ حاصل کی، پی ایس ایل سیزن فور میں سب سے زیادہ وکٹیں حاصل کرنے والے حسن علی فائنل میچ میں کوئی وکٹ نہیں لے سکے۔
Quetta Gladiators are jubilant: their third final brings them their first PSL title 🙌 #PSLFinal https://t.co/kFaj2cxJwF pic.twitter.com/cmolgSfTtS
— ESPNcricinfo (@ESPNcricinfo) March 17, 2019
قبل ازیں کراچی کے نیشنل اسٹیڈیم میں کھیلے جانے والے فائنل میچ میں زلمی نے 8 وکٹوں کے نقصان پر 138 رنز بنائے اور گلیڈی ایٹرز کو جیت کے لیے 139 رنز کا ہدف دے دیا۔
زلمی کی پہلی وکٹ 4 رنز پر گری جب امام الحق 3 رنز بنا کر پویلین لوٹ گئے، 62 رنز کے مجموعی اسکور پر کامران اکمل 21 رنز بنا کر محمد نواز کی گیند پر کلین بولڈ ہوگئے۔
صہیب مقصود 20 رنز بنا کر براؤو کا نشانہ بنے، عمر امین نے 38 رنز کی اننگز کھیلی، پولارڈ کو 7 رنز پر محمد حسنین نے سرفراز حمد کے ہاتھوں کیچ آؤٹ کرایا۔
The #PurpleForce of @TeamQuetta controlled the first half of the game. What do you think will the target of 139 be an easy chase? Or @PeshawarZalmi have what it takes to defend this total?
LIVE: https://t.co/AvvNVO1kH6#HBLPSL #KhelDeewanoKa #QGvPZ pic.twitter.com/oHPZodk2kR— PakistanSuperLeague (@thePSLt20) March 17, 2019
کپتان ڈیرن سیمی 18 رنز بنا کر آؤٹ ہوئے انہیں ڈی جے براؤو نے آؤٹ کیا، وہاب ریاض 12 رنز بنا کر رن آؤٹ ہوئے۔
فاسٹ بولر محمد حسنین نے 3 کھلاڑیوں کو پویلین روانہ کیا، ڈیوئن براؤو نے دو وکٹیں حاصل کیں، محمد نواز اور فواد احمد نے ایک، ایک وکٹ حاصل کی۔
قبل ازیں فائنل میچ میں سرفراز احمد نے ٹاس جیت کر پشاور زلمی کو پہلے بیٹنگ کی دعوت دی ہے، دونوں ٹیموں میں کوئی تبدیلی نہیں کی گئی ہے۔
سرفراز احمد نے کہا کہ پاکستان پر امن ملک ہے اور یہاں کے لوگ کرکٹ سے بہت محبت کرتے ہیں، مداحوں کا شکر گزار ہوں کہ وہ گراؤنڈ میں آئے اور سپورٹ کیا۔
We are all set for the BIG #HBLPSL 2019 final. Who do you think is going to win this one?
LIVE: https://t.co/AvvNVO1kH6#HBLPSL #KhelDeewanoKa #QGvPZ pic.twitter.com/WlclK9jSVJ— PakistanSuperLeague (@thePSLt20) March 17, 2019
سرفراز احمد کا کہنا تھا کہ کوشش ہوگی کہ جلد از جلد زلمی کی وکٹیں حاصل کریں جبکہ ڈیرن سیمی کا کہنا تھا کہ اس وکٹ پر 180 رنز کا ٹارگٹ بہت اچھا ہوگا۔
واضح رہے کہ کوئٹہ گلیڈی ایٹرز کی ٹیم تین بار فائنل میں پہنچی ہے اور ٹائٹل سے محروم رہی ہے جبکہ پشاور زلمی کی ٹیم بھی تین مرتبہ ہی فائنل کھیل چکی ہے اور ایک بار ٹرافی اپنے نام کی۔