The news is by your side.

Advertisement

پی ایس ایل فائیو؛ کامران اکمل کی شاندار سنچری، زلمی کی پہلی فتح

کراچی : پاکستان سپر لیگ سیزن 5 کے چوتھے میچ میں کامران اکمل کی شاندار سنچری کی بدولت پشاور زلمی نے  دفاعی چیمپیئن کوئٹہ گلیڈی ایٹرز کو 6 وکٹوں سے شکست دے کر ایونٹ میں پہلی کامیابی حاصل کرلی۔

کراچی کے نیشنل اسٹیڈیم میں کھیلے گئے میچ میں پشاور زلمی نے ٹاس جیت کر دفاعی چیمپیئن کو پہلے بیٹنگ کرنے کی دعوت دی اور کپتان کا یہ فیصلہ درست ثابت ہوا۔

پشاور زلمی کی دعوت پر گلیڈی ائٹرز کی جانب سے جیسن روئے اور شین واٹسن نے اننگز کا آغاز کیا لیکن شین واٹسن 8 رنز بناکر وہاب کا شکار بنے جبکہ احمد شہزاد نے چھکا لگاکر کھاتا کھولا لیکن نوجوان باؤلر محمد عامر خان نے انہیں 12 رنز سے زیادہ اسکور کرنے سے روک دیا۔

احمد شہزاد کے آؤٹ ہوجانے کے بعد گلیڈی ائٹرز کے کپتان سرفراز احمد خود بلے بازی کےلیے میدان میں آئے اور 41 رنز کی اچھی اننگز کھیلتے ہوئے جیسن روئے کو سہارا دیا اور 62 رنز کی شراکت داری قائم کرکے ٹیم کا حوصلہ بلند کیا لیکن زلمی کے کپتان ڈیرن سیمی کی گیند پر آؤٹ ہوکر پویلین لوٹ گئے۔

سرفراز احمد کے پویلین لوٹنے کے بعد پہلے میچ میں نصف سینچری اسکور کرنے والے نوجوان بلے باز اعظم خان بیٹنگ کے لیے پچ پر آئے لیکن 5 رنز بناکر وہاب ریاض کی گیند پر آؤٹ ہوگئے۔

دفاعی چیمپئن کی جانب سے جیسن روئے بہترین کھیل پیش کرتے ہوئے ناقابل شکست رہے اور 73 رنز اسکور کیے۔

کوئٹہ نے مقررہ اوورز میں 5 وکٹوں پر 148 رنز بنائے، ہدف کے تعاقب میں اوپنر کامران اکمل کی شاندار سنچری کی بدولت زلمی نے صرف 4 وکٹوں کے نقصان پر ٹارگٹ حاصل کر لیا۔

کامران اکمل نے 55 گیندوں پر 101 رنز کی اننگز کھیلی جس میں 4 شاندار چھکے اور 13 چوکے شامل تھے، حیدر علی 25، شعیب ملک 7 اور بینٹن 3 رنز بنا کر آٓؤٹ ہوئے جب کی لیونگٹسن 8 اور ڈاؤسن 5 رنز بنا کر ناٹ آؤٹ رہے، سنچری میکر کامران اکمل کو مین آف دی میچ کا ایوارڈ دیا گیا۔

کوئٹہ گلیڈی ایٹرز کی جانب سے فواد احمد نے 2، ملز اور سہیل خان نے ایک ایک وکٹ حاصل کی۔

خیال رہے کہ دونوں ٹیمیں پی ایس ایل کی روایتی حریف تصور کی جاتی ہیں، ماضی میں دونوں ٹیموں کے درمیان کانٹے کا مقابلہ دیکھنے کو ملا ہے جس میں کبھی پشاور زلمی نے کامیابی اپنے نام کی تو کبھی سرفراز احمد نے گلیڈی ایٹرز کو فتح سے ہمکنار کیا۔

پی ایس ایل میں دونوں ٹیموں کے درمیان اب تک 13 میچ کھیلے گئے ہیں جس میں سے 7 میں گلیڈی ایٹرز نے جیتے جبکہ 5 میں پشاور زلمی کامیاب رہی۔

کراچی کنگز کا فاتحانہ آغاز، پشاور زلمی کو 10 رنز سے شکست

یاد رہے کہ گزشتہ روز پی ایس ایل سیزن 5 کے دوسرے میچ میں کپتان عماد وسیم اور بابر اعظم کی شاندار نصف سنچریوں کی بدولت کراچی کنگز نے پشاور زلمی کو 10 رنز سے شکست دی تھی، 202 رنز ہدف کے تعاقب میں پشاور زلمی کی ٹیم 7 وکٹوں کے نقصان پر 191 رنز بناسکی تھی۔

پشاور زلمی ٹیم اسکوڈ

پشاور زلمی کی ٹیم میں ڈیرن سیمی (کپتان، آل راؤنڈر)، عامر علی (بولر)، عامر خان (بولر)، عادل امین (بلے باز)، ڈوین پریٹوریئس (آل راؤنڈر)، حیدر علی (بولر)، حسن علی (بولر)، امام الحق (بلے باز)، کامران اکمل (وکٹ کیپر بلے باز)، کیرن پولارڈ (آل راؤنڈر)، لیام ڈاسن (آل راؤنڈر)، لیام لیونگ سٹون (بلے باز)، محمد محسن (آل راؤنڈر)، راحت علی (بولر)، شعیب ملک (آل راؤنڈر)، ٹام بینٹن (بلے باز)، عمر امین (بلے باز)، وہاب ریاض (بولر)، لیوس گریگری (بولر)، کارلوس براتھ ویٹ (آل راؤنڈر) شامل ہیں۔

کوئٹہ گلیڈی ایٹرز ٹیم اسکوڈ

کوئٹہ گلیڈی ایٹرز ٹیم میں سرفراز احمد (کپتان)، اعظم خان، محمد نواز، ایس آر واٹسن، خرم منظور، عبدالناصر، احسن علی، عریش علی خان، بین کٹنگ، سہیل خان، ٹی ایس مل، جے جے رائے، کیمو پاؤل، زاہد محمود، احمد شہزاد، محمد حسنین، فواد احمد اور نسیم شاہ شامل ہیں

fb-share-icon0
Tweet 20

Comments

comments

یہ بھی پڑھیں