پاکستان سپر لیگ (پی ایس ایل) کے آٹھویں سیزن کی ڈرافٹنگ آج کراچی میں ہوگی۔
اے آر وائی نیوز کے مطابق پی ایس ایل سیزن ایٹ کی ڈرافٹنگ آج کراچی میں ہوگی، پاکستان کا پہلا ایچ ڈی اسپورٹس چینل اےاسپورٹس اس تقریب کو براہ راست نشرکرےگا۔
پلاٹینم کیٹیگری میں پہلی پک لاہورقلندرزکی ہوگی، تینوں راؤنڈ میں کراچی کنگزکی پک چوتھی ہوگی۔
سیزن 8 کی ڈرافٹنگ میں ایرون فنچ، ایلکس ہیلز، ڈیوڈملر، معین علی، مارٹن گپٹل اور وین ڈرڈوسن جیسے اسٹارز پر تمام فرنچائززکی نظریں ہوں گی۔
ڈائمنڈ کیٹیگری میں کھلاڑی چننےکا پہلاموقع اسلام آبادیونائیٹڈ کو ملے گا، اس کیٹیگری میں ڈینئل سیم، کارلوس بریتھویٹ، عمران طاہر جیمزونس، مشفیق الرحیم جیسے سپراسٹارز موجود ہیں۔
ڈرافٹ میں انگلینڈ، آسٹریلیا، جنوبی افریقہ سمیت 9 انٹرنیشنل ٹیموں کے چار سو ترانوے غیرملکی کھلاڑی دستیاب ہوں گے۔ ڈرافٹنگ کی تقریب شام پانچ بجےشروع ہوگی۔
