ابوظبی: پی ایس ایل سکس کی چیمپئن ٹیم کے کپتان محمد رضوان ٹرافی تھامنے پر بے حد مسرور ہیں اور انہوں نے فائنل میچ کی حکمت عملی بیان کردی ہے۔
فائنل معرکہ اپنے نام کرنے کے بعد محمد رضوان نے اظہار خیال کرتے ہوئے کہا کہ ایونٹ کے آغاز سے ہی کوشش تھی کہ جونیئر اور سینئر سب کو ساتھ لےکرچلوں، ہماری ٹیم ٹورنامنٹ میں نیچے سے ٹاپ پر آئی، اسکے کے لئے لڑکوں نےجتنی محنت کی وہ اس جیت کےحقدارہیں۔
کپتان ملتان سلطانز محمد رضوان نے اعتراف کیا کہ فائنل میچ کا پریشر تو تھا مگر یہی حکمت عملی بنائی تھی کہ فائنل میں پہلے بیٹنگ کرکےنئی گیند کا پریشر لیں ، حکمت عملی کامیاب رہی اور بڑا اسکور کرنے میں کامیاب رہے۔
یہ بھی پڑھیں: زلمی کے کپتان نے فائنل میں شکست کی وجہ بیان کردی
فاتح ٹیم کے کپتان نے جیت کا کریڈٹ بولرز کو دیتے ہوئے کہا کہ ہمارے بولرز نے پورے ٹورنامنٹ میں زبردست بولنگ کی۔
🏅🏆🎇#HBLPSL6 | #MatchDikhao | #MSvPZ pic.twitter.com/66D54505le
— PakistanSuperLeague (@thePSLt20) June 24, 2021
واضح رہے کہ رات گئے ملتان سلطانز نے پی ایس ایل کے فائنل میں پشاور زلمی کو 47 رنز سے شکست دے کر پہلی بار پی ایس ایل کا ٹائٹل اپنے نام کیا تھا۔
پشاور زلمی کا یہ چوتھا پی ایس ایل فائنل تھا مگر وہ صرف ایک بار ہی ٹرافی تھامنے میں کامیاب رہی ہے۔
