راولپنڈی: پی ایس ایل ویمنز لیگ کے پہلے نمائشی میچ میں سپر ویمن نے ایمازون کو 8 وکٹوں سے شکست دے دی۔
راولپنڈی میں کھیلے گئے نمائشی میچ میں سپر ویمنز نے ایمازون کی جانب سے دیا گیا 133 رنز کا ہدف 15.5 اوورز میں دو وکٹوں کے نقصان پر حاصل کرلیا۔
ندا ڈار کو آل راؤنڈ کارکردگی پر میچ کا بہترین کھلاڑی قرار دیا گیا۔
2️⃣3️⃣ not out
☄️ 3️⃣-2️⃣5️⃣Super Women captain @CoolNidadar is the player of the match for her super all-round performance #LevelPlayingField pic.twitter.com/dx90sOlH2d
— Pakistan Cricket (@TheRealPCB) March 8, 2023
سپر ویمن کی جانب سے لاؤرا ولوور نے 53 رنز کی ناقابل شکست اننگز کھیلی، ندا ڈار 23 رنز کے ساتھ ناٹ آؤٹ رہیں، منیبہ علی 33 رنز بنا کر آؤٹ ہوئیں، چماری اتاپتو نے بھی 23 رنز بنائے۔
@LauraWolvaardt is the star as she finishes it off in style ⚡#LevelPlayingField pic.twitter.com/BNyYh9R04b
— Pakistan Cricket (@TheRealPCB) March 8, 2023
ایمازون کی جانب سے انعم امین اور نشرا سندھو نے ایک، ایک وکٹ حاصل کی۔
اس سے قبل پاکستان سپر لیگ (پی ایس ایل) کے نمائشی ویمنز کرکٹ کے پہلے میچ میں ٹیم ایمازونز نے سپر ویمن کو جیت کیلئے 133 رنز کا ہدف دیا تھا۔
پی ایس ایل نمائشی ویمنز کرکٹ کا پہلا میچ پنڈی اسٹیڈیم میں کھیلا جارہا ہے، جہاں ایمازونز ٹیم کی قیادت بسمعہ معروف اور سپر ویمن ٹیم کی کپتانی ندا ڈار کررہی تھیں۔
Super Women put on a commanding display to win the first Women's League exhibition match by 8️⃣ wickets #LevelPlayingField pic.twitter.com/z6McfseZBs
— Pakistan Cricket (@TheRealPCB) March 8, 2023
کپتان بسمہ معروف نے ٹاس جیت کر پہلے بیٹنگ کا فیصلہ کیا تھا، ایمازونز نے مقررہ اوورز میں 9 وکٹوں کے نقصان پر 132 رنز بنائے عالیہ ریاض نے 38 ٹیمی بیومونٹ نے 24 رنز بنائے۔
سپر ویمن کی جانب سے کپتان ندا ڈار نے 3 طوبیٰ حسن نے 2، لیہ، سیدہ معصومہ اور ام ہانی نے ایک ایک وکٹ لیں۔
ٹاس کے موقع پر سپر ویمن کی کپتان ندا ڈار نے کہا کہ میں سپر ویمن کے کھلاڑیوں کے دلچسپ گروپ کی قیادت کرنے کے لیے پرجوش ہوں، نمائشی میچز ابھرتے ہوئے کھلاڑیوں کو اپنی صلاحیتوں کے اظہار کرنے کا ایک بہترین پلیٹ فارم ہے۔
Skipper joining the party #LevelPlayingField pic.twitter.com/ynnQsA6Yfx
— Pakistan Cricket (@TheRealPCB) March 8, 2023
انہوں نے کہا کہ ان میچوں میں غیر ملکی کھلاڑیوں کی شرکت اور ان کا تجربہ مقامی کھلاڑیوں کو سیکھنے کا موقع فراہم کرے گا۔
دوسری جانب ایمازونز کی بسمہ معروف کا کہنا تھا کہ اس ٹیم کی قیادت کرنے پرمجھے خوشی ہے۔
واضح رہے کہ نمائشی میچز کیلئے پاکستان کرکٹ بورڈ کی جانب سے 18۔ 18کھلاڑیوں پر مشتمل 2 ٹیمیں تشکیل دی گئی ہیں۔
نمائشی ویمنز کرکٹ میچز میں 10 غیر ملکی کھلاڑیوں کی خدمات حاصل کی گئی ہیں جن میں آسٹریلیا، انگلینڈ اور نیوزی لینڈ سمیت 7 ممالک کی ٹاپ کھلاڑی شامل ہیں۔