پی ایس ایل 8 میں کوئٹہ گلیڈی ایٹرز کے فاسٹ بولر نسیم شاہ کراچی کنگز کیخلاف کامیابی کے باوجود افسردہ ہوگئے۔
پنڈی اسٹیڈیم میں کھیلے گئے پی ایس ایل 8 کے 22ویں میچ میں کوئٹہ گلیڈی ایٹرز نے کراچی کنگزکیخلاف چار وکٹوں سےفتح سمیٹی، کوئٹہ نے 165 رنز کا ہدف آخری اوور میں پورا کرلیا۔
مارٹن گپٹل نے میچ وننگ اننگز کھیلتے ہوئے86 رنزاسکورکیے انہیں شاندار اننگز پر میچ کا بہترین کھلاڑی قرار دیا گیا۔
The Gladiators were truly unstoppable when @Martyguptill the GOAT entered the chase. 💜#SabSitarayHumaray l #QGvKK l #HBLPSL8 pic.twitter.com/H5Ya8zmE1R
— PakistanSuperLeague (@thePSLt20) March 6, 2023
فاسٹ بولر نسیم شاہ نے مقررہ 4 اوورز میں 31 رنز دے کر دو کھلاڑیوں کو پویلین کی راہ دکھائی۔
میچ کے بعد میڈیا سے گفتگو کرتے ہوئے نسیم شاہ نے کہا کہ ’آج میچ میں شائقین کرکٹ کی کم تعداد دیکھ کر افسوس ہوا اس سے قبل جس طرح میچز میں شائقین کی بڑی تعداد دیکھنے کو ملی ایسا آج نہیں تھا۔‘
نسیم شاہ نے کہا کہ ’ایونٹ میں ہم نے جس طرح کرکٹ کھیلی ہے شاید شائقین کے دل ٹوٹ گئے تھے۔‘
NASEEM YAAR 🥵@iNaseemShah dismisses Fuller in full fashion! #SabSitarayHumaray l #QGvKK l #HBLPSL8 pic.twitter.com/WIYjG1MokH
— PakistanSuperLeague (@thePSLt20) March 6, 2023
فاسٹ بولر نے کہا کہ ’بطور کھلاڑی ہم 100 فیصد کارکردگی دکھاتے ہیں کوئی بھی یہ نہیں چاہتا کہ میچ ہارے اور میرا نہیں خیال کہ شکست پر کھلاڑی سے زیادہ کوئی افسردہ ہوتا ہوگا۔
انہوں نے ایمرجنگ پلیئر ایمل خان کی تعریف کی اور کہا کہ ’پی ایس ایل میں دنیا کے بہترین کھلاڑیوں کے سامنے ایمل خان کی شاندار کارکردگی بہت زبردست ہے۔‘
Wicket # 2 for @Aimalkhan46 🤩 #SabSitarayHumaray l #HBLPSL8 I #QGvKK pic.twitter.com/gUNunZRScD
— PakistanSuperLeague (@thePSLt20) March 6, 2023
شارجہ میں پاک افغان ٹی 20 سیریز سے متعلق سوال پر نسیم شاہ نے کہا کہ ’شارجہ میں اچھی کرکٹ کھیلیں گے اور سیریز جیتنے کی کوشش کریں گے۔
