پی ایس ایل 9 کے 15ویں میچ میں اسلام آباد یونائیٹڈ نے کراچی کنگز کو 7 وکٹوں سے شکست دے دی۔
کراچی کے نیشنل اسٹیڈیم میں کھیلے گئے میچ میں اسلام آباد یونائیٹڈ نے کراچی کنگز کی جانب سے دیا جانے والا 166 رنز کا ہدف 18.3 اوورز میں 3 وکٹوں کے نقصان پر حاصل کرلیا۔
کولن منرو نے 47 گیندوں پر 82 رنز کی شاندار اننگز کھیلی، ان کی اننگ میں 8 چوکے اور 4 چھکے شامل تھے۔
الیکس ہیلز 47 رنز بنا کر نمایاں رہے، عماد وسیم بغیر کوئی رن بنائے پویلین لوٹ گئے، کپتان شاداب خان 10 اور آغا سلمان 25 رنز کے ساتھ ناٹ آؤٹ رہے۔
کراچی کنگز کی جانب سے حسن علی، تبریز شمسی اور محمد نواز ایک، ایک وکٹ حاصل کرسکے۔
اس سے قبل کراچی کنگز نے مقررہ اوورز میں 5 وکٹوں کے نقصان پر 165 رنز بنائے تھے اور اسلام آباد یونائیٹڈ کو جیت کے لیے 166 رنز کا ہدف دیا تھا۔
View this post on Instagram
کیرون پولارڈ 48 رنز کے ساتھ ناٹ آؤٹ رہے، کپتان شان مسعود 27 رنز بنا کر حنین شاہ کا نشانہ بنے، ٹم سیفرٹ کو 8 رنز پر عماد وسیم نے آؤٹ کیا۔
لیوس دو پلوئے 24 رنز بنا کر پویلین لوٹ گئے، شعیب ملک 6 رنز بنا کر رن آؤٹ ہوئے۔
View this post on Instagram
محمد نواز 6 رنز بنا کر نسیم شاہ کو وکٹ دے بیٹھے، عرفان خان 27 رنز بنا کر نمایاں رہے۔
یونائیٹڈ کی جانب سے عماد وسیم، نسیم شاہ، حنین شاہ اور آغا سلمان نے ایک، ایک وکٹ حاصل کی۔
View this post on Instagram
قبل ازیں اسلام آباد یونائیٹڈ کے کپتان شاداب خان نے ٹاس جیت کر شان مسعود الیون کو پہلے بیٹنگ کی دعوت دی تھی۔
کراچی کنگز نے ٹیم میں تین تبدیلیاں کی ہیں ٹم سائفرٹ، عامر خان اور لوس ڈی پلوئے کراچی کنگز میں شامل ہیں جبکہ جیمز ونس اور ڈینئل سیمز کی طبیعت خراب، محمد اخلاق کو آرام دیا گیا ہے۔
اسلام آباد کی ٹیم میں اہیلس ہیلز اور رومان رئیس کی واپسی ہوئی ہے، حیدر علی اور ٹائمل ملز کو ڈراپ کیا گیا ہے۔
View this post on Instagram
شاداب خان کا کہنا تھا کہ پاور پلے میں بیٹنگ، بولنگ دونوں میں اچھا پرفارم نہیں کرپارہے۔
کراچی کنگز کے کپتان شاداب خان کا کہنا تھا کہ ہر میچ کا ہر پوائنٹ اہمیت کا حامل ہے اچھی کارکردگی دکھانے کی کوشش کریں گے۔
